Бүгінгі ата-ана баласын жаңа оқу жылына қалай дайындап жүр? Бұл сұрақтың жауабын іздегенде, бірден біздің көз алдымызға мектеп формасы мен оқу құралдары елестейтіні белгілі. Бірақ, көптеген ересек адам бүлдіршінін оқу ордасына әзірлеу кезінде бұдан да маңызды мәселені ұмытып кетіп жатады. Ол – ел ертеңінің рухани дайындығы.

Жақында Құлсары қаласындағы №18 орта мектептен бастап ашылған 1 сыныпқа баратын балаларға арналған «Балақайлар мектебі», міне, осы олқылықтың орнын толтыруды мақсат тұтып отыр. Ондағы мектепке дайындық топтары бүлдіршіндерді бірте-бірте және мұқият білім ордасында оқуға дайындайтын болады. Оқыту қазақ және орыс тілдерінде өтеді. Яғни болашақта сыныптарға бөліп, білім алуға бейімдеу арқылы жүргізіледі. Сабақ күн сайын дүйсенбіден жұмаға дейін бір ай бойы өтеді.

Дайындық бағдарламасында сөйлеуді дамыту, сауат ашу негіздері, яғни оқу, жазу, грамматика, қарапайым математикалық ұғымдарды қалыптастыру секілді сабақтар бар. Қазақ топтары үшін орыс тілі, ал орыс топтарына – қазақ тілі, ортақ ағылшын тілі оқытылады. Сондай-ақ, ұсақ қол моторикасын және ой-қиялдарын дамыту бойынша сурет салу, мүсіндеу, аппликация, құрастыру ұйымдастырылған оқу түрлері кіреді.

№18 мектептен басталған жарқын жоба тамыз айында аудандағы барлық 20 оқу орнында жалғасып, «Балақайлар мектебі» іске қосылатын болады.

Е.БИСЕКЕНҰЛЫ

Мемлекет басшысы Ғылым және жоғары білім министрі Саясат Нұрбекті қабылдады. Бұл туралы Ақорданың баспасөз қызметі мәлім етті.

Кездесу барысында Қасым-Жомарт Тоқаевқа жоғары білім және ғылым жүйесін дамытуға бағытталған бірқатар бастама мен жобалар таныстырылды.

Министр елімізде осы уақытқа дейін шетелдік жоғары оқу орындарының 25 филиалы ашылғанын айтты. Шетелдік серіктестермен аймақтардағы мемлекеттік университеттерді халықаралық білім беру стандарттары бар зерттеу университеттеріне айналдыру туралы келісімдерге қол жеткізілген.

Биыл студенттерге қаржылай қолдау көрсетудің жаңа тетіктері енгізіле бастады. Олардың қатарына «Келешек» бірыңғай ерікті жинақтау жүйесін, «Ұлттық қор – балаларға» бағдарламасын, жеңілдетілген білім беру несиесі мен дифференцияланған гранттарды жатқызуға болады. Аталған шаралар халықтың барлық санатына жоғары білімнің қолжетімді болуын қамтамасыз етуге бағытталған.

Саясат Нұрбек жасанды интеллектіні дамыту жөніндегі Президент тапсырмаларының орындалуы туралы есеп берді. Оның айтуынша, қазір 8 жоғары оқу орнында 15 білім беру бағдарламасы бойынша 2000-нан астам студент жасанды интеллект саласын оқып жатыр. Цифрлық экономикаға бейімделген кадрлардың әлеуетін дамыту үшін Google, Nvidia, Coursera, 01 Edu System және Huawei сияқты трансұлттық компаниялармен ынтымақтастық орнатылған. Сондай-ақ жасанды интеллект саласында мамандар даярлау үшін «Болашақ» бағдарламасы арқылы жыл сайын 100 стипендия бөлу жоспарланып отыр.

Кездесу соңында Мемлекет басшысы жатақханалар салу, жоғары білім мен ғылым инфрақұрылымын одан әрі дамыту жөнінде бірқатар тапсырма берді.

Бұл туралы Өңірлік коммуникациялар қызметі хабарлайды.

Оқу орнының академиялық мәселелер жөніндегі проректоры Асхат Шүкіровтің айтуынша, биыл халық тығыз қоныстанған және жаңадан құрылған аймақтағы талапкерлер үшін ҚР Ғылым және жоғары білім министрлігі 5000 нысаналы грант бөлген. Соның ішінде Атырау облысынан еліміздің өзге аймағындағы университеттерден педагогика, математика және статистика, жаратылыстану ғылымдары, ақпараттық-технологиялар, инженерлік, өңдеу және құрылыс саласындағы мамандықтар бойынша 1 500 грант бөлініпті.

- Бүгін құжат қабылдаудың бесінші күні. 2000-ға жуық талапкер білім гранты конкурсына қатысуға өтініш білдірді. Қабылдау комиссиясы талапкерлерге кеңес беріп, түскі үзіліссіз, демалыссыз қарқынды түрде жұмыс жасауда. Биыл еліміздің кей өңірлеріндегі төтенше жағдайға байланысты бөлінген гранттың 20 пайызы Атырау облысына тиесілі. Бұл өңірдің талапкерлері үшін үлкен мүмкіндік,- деді А.Шүкіров.

Атырауға еліміздің Астана, Алматы сынды ірі қалары мен өзге облыс орталықтарындағы жоғары оқу орындарының өкілдері де арнайы келіп, талапкерлерге арнап грант бөлінген мамандықтар жайлы ақпарат беріп отыр. М.Дулати атындағы Тараз университетінің өкілдері жаңадан ашылған су шаруашылығы саласындағы жаңа мамандықтардың болашағы жарқын екендігін айтады.

- Көктемде болған төтенше жағдай елімізде гидрологтардың жетіспейтін көрсетті. Осы ретте, Президент тапсырмасымен Қазақ ұлттық су шаруашылығы және ирригация университеті құрылып, 210 грант бөлінді. Бұдан бөлек оқу орны жанынан Д.Менделеев атындағы Ресей химия-технологиялық университетінің филиалы ашылып, онда 30 мақсатты грант бөлінді,- деді М.Х.Дулати атындағы Тараз өңірлік университеті «Маркетинг және кәсіптік бағдар» басқармасының басшысы Қанат Райқұлов.

Білім беру гранттарын тағайындау конкурсына қатысу 24 шілдеге дейін жалғасады.

 Жылыой ауданының оқушылары биыл мамыр айынан бастап лагерьге бара бастады. Ал мектеп жанынан ұйымдастырылатын жазғы лагерьлер маусым айында өз жұмысын бастап, тамыз айына дейін созылмақ.
Аталған лагерьлер тамақтанатын және тамақтандырусыз болып бөлінеді. Тамақтандырусыз лагерьлерде қолөнер үйірмелері және тілдік курстар өткізіледі.
Жалпы аудан бойынша басқа өңірлердегі лагерьлерге 525 бала жөнелтілген болса, аудан мектептерінде ұйымдастырылған тамақтанатын жазғы лагерьге 700 бала, қолөнер және тілдік жазғы лагерьлерге 10638 бала қатысқан.

Биылғы «Туған елге саяхат» пойызының алғашқы кезеңіне Атырау облысындағы су тасқыны болған Жылыой ауданынан 38 бала қатысты.

7 шілде елордаға еліміз бойынша қызықты сапардан оралған бақытты балдырғандардың арасында Әсет есімді жас саяхатшы да бар. Жобаға Құлсары қаласынан қатысқан ол саяхаттан көп нәрсе ойға түйіп, көкжиегі кеңейгенін, жаңа достар тапқанын айтады. Сонымен қатар, кейіпкеріміз «Таза Қазақстан» акциясы аясында экологиялық шараларға белсенді атсалысқан.
«Маған бәрі өте ұнады, достар таптым. Әртүрлі қалаларды араладық. Түркістан, Алматы, Байқоңыр, Бурабай – әрқайсынан ерекше әсер алып отырдым. Пойыздың өзінде де уақытты бос өткізбей, түрлі ойындар ойнап, ағылшын тілін оқыдық. Қоқысты да жерге лақтырмай, арнайы орындарға тастауды үйрендік. Сондай-ақ су тасқынынан соң қазір бізде бәрі жақсы екенін айтқым келеді», - деп бөлісті балалар пойызының жолаушысы.

4647 шақырымдық сапар қорытындысында утилизацияға 100 келі тұрмыс қалдығы тапсырылды.

Еске сала кетсек, «Самұрық-Қазына» АҚ компаниялар тобы атынан «Samruk-Kazyna Trust» қорының қолдауымен алтыншы мәрте жолға шыққан «Туған елге саяхат» пойызы арқылы бұған дейін 5 жылда 3 мыңға жуық бала қамтылды. Өткен жылдан бері жобаға ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия серіктес болып келеді.

Халықаралық «Айбын-2024» әскери-патриоттық жиынында ауданымыздың «Жігер» әскери-патриоттық клубыныңда ауданымыздың «Жігер» әскери-патриоттық клубының тәрбиеленушілері жүлдемен оралды. Әскери жарыста №1тәрбиеленушілері жүлдемен оралды. Әскери жарыста №1 мектептің оқушысы Мұхаммедәли Болатұлы «АК-74 автомектептің оқушысы Мұхаммедәли Болатұлы «АК-74 автоматын бөлшектеу және жинақтау» жөніндегі жарыста 24матын бөлшектеу және жинақтау» жөніндегі жарыста 24 секундта автоматты шашып-жинап, өзіне жүктелген міндетті секундта автоматты шашып-жинап, өзіне жүктелген міндетті тез әрі шапшаң орындап шықты. Сөйтіп, жоғары деңгейдетез әрі шапшаң орындап шықты. Сөйтіп, жоғары деңгейде әрекет еткен ол жүлделі І орынды қанжығаға байлады.әрекет еткен ол жүлделі І орынды қанжығаға байлады. Мұхаммедәли әскерилендірілген эстафета сайысы бойынша да ІІ орынды жеңіп алды.

- Сондай-ақ облысымыздан қатысқан «Батыс» командасының намысын қорғаған №1 мектептің оқушысы, «Жігер» әскери-патриоттық клубының тәрбиеленушісі Төлеген Бекзатқа алғыс білдіремін. Ол да жақсы дайындығын көрсетті,-дейді клубтың жетекшісі Дағыстан Құсайынов.

Халықаралық жиынға белсене қатысып қана қоймай, ауданның, облыстың абыройын асқақтатып келген Дағыстан Құсайынов бастаған жеңімпаздарға жылыойлықтар да дән риза. Оларды жеңісімен құттықтау үшін білім бөлімі басшысының міндетін атқарушы Гүлжансара Таңатарова ар- найы қабылдап, Алғыс хат пен арнайы сыйлықтар табыс етті.

П.ТӘЖІ

Бүгінгі түлек – ертеңгі маман. Алған білімі мен біліктілігіне сай қос қолға бір кәсіп көзін тапса, нұр үстіне нұр. Осыған орай, Сафи Өтебаев атындағы Жылыой мұнай және газ технологиялық колледжі жақында 2024 жылғы бітірушілер үшін «Түлек - 2024 жәрмеңкесін» ұйымдастырды. Мақсат – өз түлектерін, яғни жаңа өмірге аттанғалы тұрған жас мамандарды жұмыспен қамту. Оған ар- найы шақырылған мекеме-кәсіпорын өкілдері, колледж директоры мен оқытушылар, сонымен қатар, бітіруші түлектер қатысты.

Шарада, алдымен, колледж директорының оқу ісі жөніндегі орынбасары Маруся Сарбалиева сөз сөйледі.

-Мінекей, колледжіміздің биылғы түлектері өздерінің оқыған колледжін ойдағыдай тәмамдап, қолына дипломдарын алғалы тұр. Студенттеріміз осы колледж шеберханасында, басқа да мекемелерден өткен өндірістік оқыту, кәсіптік және дипломалды тәжірибелері соңғы мәресіне жетті. «Кәсіп білген адам нәсіпке қол жеткізеді" дегендей, бай-қуатты болу үшін, ең бірінші, бір кәсіпті жақсы меңгеру керек. Осы шараға жиналған әр түлек – жеке тұлға. Барлығыңыз алған білімдеріңізді жетілдіріп, бір-бір кәсіп иесі болып, болашақта үлкен нәтижеге жетулеріңізге тілекшімін. Келген қонақтарға алғыс, студенттерге сәттілік! - деді.

Түлектердің түйіндемелерімен танысу үшін жәрмеңкеге "Жылыойгаз" , "KGS" , "Батыс тех инвест", "Жылыой Тазалық" , "ESS Cупорт Сервисез", "Ярмарка Retail", "Мұнайсервис ЛТД" ЖШС- ларының, аудандық «Мансап» орталығының өкілдері қатысты. Онда үш жыл қатарынан алған кәсіптік білімі бар студенттер мамандық бойынша жұмысқа орналасқан жағдайда оларға еңбек кітапшасы табыс- талатыны айтылды.

Ұйымдастырушылар биыл колледжде 7 мамандық бойынша 7 топтан 157 студент бітіргелі отырғанын хабарлады. Оның ішінде 6 мамандық негізгі білім мен 1 мамандық жалпы білім беру базасында бітіреді. Дәлірек айтқанда, «Автомобиль көлігіне техникалық қызмет көрсету, жөндеу және пайдалану» мамандығы бойынша 23 студент, «Технологиялық процестерді автоматтандыру және басқарудан» 17, «Электр жабдықтарынан» 24 түлек, «Жергілікті магистральдық және желілік құбырларды монтаждау» мамандығынан 19, «Дәнекерлеу ісі» бойынша 26 студент, «Тамақтандыруды ұйымдастырудан», "Мұнай және газ скважиналарын бұрғылау және бұрғылау жұмыстарының технологиясы" мамандығы бойынша 24 түлек бітірді.

Жәрмеңкеде "Ашық микрофон" айдары да ұйымдастырылды. Әрмен қарай, түлектер түйіндемелерін мамандық бойынша мекеме өкілдеріне табыс етті. Олар өз кезегінде, алдағы уақытта жұмысқа орналастыру жөнінде хабардар ететінін жеткізді.

Аида АБДРАХМАНОВА,

Х.Досмұхамедов атындағы Атырау университетінің студенті

«Теңізшевройл» компаниясының Әлеуметтік инвестициялар бағдарламасы аясында жылыойлық жеткіншектер жазғы демалыста да білім алуын жалғастыратын болады. «KazRobotics» федерациясының Атырау филиалы, Жылыой жас техниктер станциясымен серіктестікте «JasUP» жобасын жүзеге асыруда. Жобаның жоспарына сәйкес, робототех- никадан «жазғы сабақтар» курсы ұйымдастырылды.

5-і мен 28 маусым аралығында өткен бұл жобаның жетекшісі Қуаныш Шалабаев болды. Жалпы сабақтың дені жас техниктер базасында өтті. Оған екі ауысыммен 60-тан астам оқушы қатысты. Олар ауданның Тұрғызба, Жаңа Қаратон, Қосшағыл ауылдарынан да қалаға арнайы келіп атсалысты. Курс үш бағытта жүргізілді: лего бөлшектермен инженерлік жобалар жасау, схематика, электроника,ЗD модельдеу. Бізбен тілдескен жоба жетекшісі Қуаныш Шалабаев:

-Балалар белсене қатысуда. Білімге құштар ел ертеңін көп байқадық. Көбіне 8-10 жас аралығындағы оқушылар келіп, жалпы сабақ технологиялық бағытта жүргізілуде. Оның ішінде робототехника, электроника, 3D модельдеу бар. Бұл жоба балаларға жаңа серпіліс береді деген ойдамыз,- деді өз сөзінде.

Жаңа жоба арқылы жастардың білімі артып, жеңісті жетістіктерге жетіп, толағай табысқа қол жеткізер деген сенім мол.

Е.АЛТАЙҰЛЫ