Білім-Ғылым
- Информация о материале
- Read Time: 1 min
- 12
Қазақстан құрамасы 2025 жылғы 10-17 мамыр аралығында Ресейдің Сочи қаласындағы «Сириус» білім беру орталығында өткен биология пәні бойынша Ашық халықаралық олимпиадада (Open International Biology Olympiad, OIBO) жоғары нәтиже көрсетті.
🚀 14 елден жиналған жас биологтар теориялық, жеке практикалық және биыл алғаш рет енгізілген жобалық (топтық) үш кезеңде бақ сынады. Қазақстан құрамасы республикалық олимпиада жеңімпаздарынан жасақталып, екі алтын, төрт күміс медаль жеңіп алды, сондай-ақ командалық жобалық турда да бірінші орынды иеленді.
🏅 Жеңімпаздар:
🥇 Батыр Ержанұлы – 11-сынып, Назарбаев Зияткерлік мектебі, Шығыс Қазақстан облысы;
🥇 Ерсұлтан Қайыркен – 10-сынып, «Білім-инновация» лицей-интернаты, Павлодар облысы;
🥈 Әлихан Аширханов – 8-сынып, «Білім-инновация» лицей-интернаты, Алматы қаласы;
🥈 Дмитрий Титков – 10-сынып, №3 дарынды балаларға арналған гимназия, Павлодар облысы;
🥈 Әлімұхаммед Саматұлы – 9-сынып, «Білім-инновация» лицей-интернаты, Павлодар облысы;
🥈 Егор Менгулов – 10-сынып, №8 орта мектеп, Көкшетау қаласы, Ақмола облысы.
👩🏻🏫 Құрама жетекшісі – Айгүл Каркулова, ҚР Оқу-ағарту министрлігінің «Дарын» республикалық ғылыми-практикалық орталығы директорының орынбасары.
🧪 OIBO халықаралық олимпиадасы оқушылардың биология және биотехнология салаларындағы заманауи мәселелерді шешуге деген қызығушылығын арттыруды, ғылыми көкжиектерін кеңейтуді, өндірістік серіктестермен ынтымақтастықты және халықаралық тәжірибе алмасуды дамытуды мақсат етеді.
📚 Айта кетейік, олимпиада алдында Қазақстан құрамасы ұйымдастырушылардың шақыруымен «Сириус» орталығы базасында он күндік халықаралық оқу-жаттығу жиындарынан өткен болатын.
🎉 Жеңімпаздарды және ұстаздарын шын жүректен құттықтаймыз!
- Информация о материале
- Read Time: 1 min
- 54
Аудандық орталық кітапхана – өңірдің руханиятын дамытуға үлес қосып отырған маңызды нысанның бірі. Білім мен парасаттың алтын ордасы саналатын осы мәдениет ошағы жуырда өзінің кітап қорын жаңа туындылармен толықтырды. Бұл кітапсүйер қауым үшін қуанышты жаңалық болары сөзсіз. Жаңа түскен әдебиеттердің қатарында еліміздің көрнекті тұлғалары туралы жазылған өмірбаяндық, портреттік, көркем және публицистикалық еңбектер пен поэзия, драматургия, балалар әдебиеті секілді жанрлар қамтылған.
Нақтыласақ, Бекет Момынқұлдың қазақ батыры, қаһарман Бауыржан Момышұлы туралы «Момышұлы әлемі» шығармасы мен Гүлнәр Әбдірахманның қазақтың көрнекті композиторы Ғазиза Жұбанованың шығармашылығы туралы жазылған «Ғазиза Жұбановаға тағзым» портреттік кітабы оқырманның көкжиегін кеңейтіп, еліміздегі танымал тұлғалардың өмір жолынан сабақ алуға шақырады. Ал Рысбек Қыдырбектің «Мылтықсыз майдан» кітабы ұлттың намысын көтерген чемпиондар мен олардың ұстаздары, сондай-ақ спорттағы өзекті проблемалар жөнінде біраз мәліметті өрбітеді.
Одан бөлек Нұрлан Қуантайұлының «Күзгі назды әуез» өлеңдер жинағы мен Қажығали Мұханбетқалиұлының «Сағындым сені», Баянғали Әлімжановтың «Өмір сырлары» әңгімесі, Ғарифолла Есімнің «Әйгілі есімдер» эсселер кітабы, Сұлтанәлі Балғабаевтың «Мәңгілік өмір – махаббат» пьесалар мен Темірхан Медетбектің «Қайран өмір» көркем шығармалар жинақтары кітапхана оқырмандары үшін арнайы әкелінді. Бүлдіршіндер мен жас оқырмандар да назардан тыс қалмады. Балаларға арналған әдебиеттер де жаңарып, кітапхана сөрелерінен өз орнын тапты. Бұл тұста библиограф Жанат Алашбайқызы жылыойлықтарды кітап оқуға шақырып:
- Кітап оқу – сана көкжиегін кеңейтудің ең қарапайым әрі оңай жолы. Сондықтан да аудан тұрғындарын жаңарған кітап қорымен танысуға, рухани әлемге саяхат жасауға шақырамыз. Кітапхана есігі сіз үшін әрдайым ашық!-дейді өз сөзінде.
Д.ІЗБАСАРҚЫЗЫ
- Информация о материале
- Read Time: 1 min
- 58
Таяуда Ақкиізтоғай ауылындағы №10 Амангелді атындағы жалпы орта білім беретін мектеп базасында «STEAM – білім беру: ауыл мектептері үшін жаңа мүмкіндіктер» тақырыбында серіктес мектептердің аудандық семинары өтті. Оған №1, 16, 21 мектептерінің педагогтері, мектеп директорлары мен жас мамандар қатысты. Семинар бағдарламасы мазмұнды іс-шаралармен өрнектелді. Ашылуында мектеп директоры Шамшырақ Қобанова «Ауыл мектебінің STEAM бағытындағы ізденістері мен табыстары» тақырыбында сөз сөйлеп, мектептегі қолға алынған жаңашыл жобалар мен жетістіктерге тоқталды.
- Семинардың мақсаты – ауыл мектептерінде STEAM бағытындағы білім берудің тиімділігін арттыру, шығармашыл мұғалімдердің тәжірибесін ортаға салу және жаңашыл әдіс-тәсілдерді енгізу жолдарын талқылау болды,- дейді мектеп директоры.
Мектеп психологі С.Талпақованың ұйымдастырған «Танысу – табыс кілті» атты тренинг қатысушылар арасында серпін мен ынтымақтастық орнатуға ықпал етті. Г. Ержанованың жетекшілігімен өткен «Ағаш бұйымдарын сәндеу арқылы STEAM жобасын жүзеге асыру» атты көрмеде оқушылардың қолөнер мен технологияны үйлестіре отырып жасаған жұмыстары көрсетіліп, ол көпшіліктің қызығушылығын оятты. «STEAM практикумы: Қолмен жасап, оймен тану» атты тәжірибе алмасу бөлімі де өте мазмұнды өтті. Онда К.Сисенова, А.Медениева және А.Сәттіғұл жетекшілік етіп, практикалық бағыттағы жұмыстармен бөлісті. Қатысушылар қолөнер, тәжірибе және өнер арқылы интеграцияланған сабақ үлгілерін тамашалады. Музыкалық үзілістен кейін С.Баспақова, Н.Сәдуақасова, И.Сидербаева және Ж.Оңдағанова ұйымдастырған «Ғылым және технология: күнделікті өмірдегі STEAM» атты шеберлік сағаты өткізілді. Онда оқушылардың күнделікті өмірде кездесетін мәселелерді ғылым, математика және технология арқылы қалай шешуге болатыны көрсетілді. Семинар соңында қатысушылармен кері байланыс орнатылып, пікір алмасу жүргізілді. Ұйымдастыру жұмысын мектеп әкімшілігі мен оқу ісі жөніндегі орынбасары Қ.Заманғалиева жоғары деңгейде үйлестіре білді. Семинар STEAM бағытындағы жаңашыл ойлар мен тәжірибелерге жол ашып, ауыл мектептері үшін білім берудегі жаңа мүмкіндіктерді айқындап берді. Ұстаздар үшін бұл шабыт пен серпін беретін маңызды алаңға айналды.
Өз тілшімізден
- Информация о материале
- Read Time: 1 min
- 54
Google компаниясы Google Classroom платформасына тілдік қолдау көрсетіп, сәуір айында тізімге қазақ тілін енгізгенін ресми мәлімдеді. Бұл – Оқу-ағарту министрлігі Алтынсарин академиясының жүйелі жұмысының нәтижесі.
💻 Google Classroom – 170 миллионнан астам адам қолданатын әлемдегі ең танымал білім беру платформаларының бірі. Ендігі таңда қазақ тілінде оқытатын мектептер үшін жаңа цифрлық игіліктерді пайдалану мүмкіндіктері пайда болды. Бұл – еліміздің оқушылары мен педагогтері үшін цифрлық тең қолжетімділікті қамтамасыз етудегі маңызды қадам.
📲Қазақ тіліне өту үшін Google аккаунтында параметрді өзгерту жеткілікті – платформа интерфейсі веб-нұсқаға және мобильді қосымшаға автоматты түрде бейімделеді.
❕Естеріңізге сала болсақ, қаңтарда Алтынсарин академиясы Google және Microsoft-пен ынтымақтастық туралы меморандумға қол қойды. Одан бұрын Оқу-ағарту министрі Ғани Бейсембаев әлемдегі ең ірі IT-компаниялардың өкілдерімен келіссөздер жүргізген болатын. Google Classroom қазақша нұсқасы – білім беру саласындағы заманауи цифрлық экожүйені құру жолындағы алғашқы қадам.
- Информация о материале
- Read Time: 1 min
- 64
Елордада «Назарбаев Зияткерлік мектептері» дербес білім беру ұйымының халықаралық XIV NIS Conference 2025 конференциясы өтеді. Биылғы жиынның тақырыбы – «Цифрлық дәуірдегі мектеп білімі: басты трендтер мен талаптар».
Конференция педагогтер, зерттеушілер мен білім беру саласының жетекші мамандарын біріктіретін ірі кәсіби алаңға айналады. АҚШ, Ұлыбритания, Нидерланды, Финляндия, Аустралия, Гонконг сияқты елдердің сарапшылары, сондай-ақ қазақстандық мектептер, жоғары оқу орындары мен ғылыми-зерттеу орталықтарының өкілдері мектептегі білім беру үдерісіне цифрлық технологиялардың әсерін жан-жақты талқылайды.
Басқосу барысында оқытудың жаңа әдістемелері, оқушылардың цифрлық сауаттылығы, PISA 2025 аясындабілім мен дағдыларды бағалау тәсілдері қарастырылады. Сонымен қатар жасанды интеллекттің (ЖИ) білім беру жүйесіндегі мүмкіндіктері мен қауіп-қатері талқыланады. Қатысушылар цифрлық трансформация жағдайында мұғалімнің рөлін бағамдап, әлемдік үздік тәжірибелерментанысады.
Конференция аясында EdTech көрмесі ұйымдастырылады. Мұнда заманауи цифрлық шешімдер, оқу ресурстары, білімберу платформалары мен мектептік білім беру саласындағы инновациялық әзірлемелер ұсынылады. Қатысушылар жаңа технологиялармен танысып, әзірлеушілермен тәжірибе алмасып, мектеп тәжірибесіне енгізуге болатын нақты құралдарды таба алады.
NIS халықаралық конференциясы дәстүрлі түрде білім, тәжірибе және инновациялар алмасудың бірегей алаңы саналады. Бұл шара әрбір педагогке әлемдік сарапшылардың пікірін тыңдап қана қоймай, мектептегі білім берудің болашағына ықпал ететін жаһандық кәсіби қауымдастықтың бір бөлшегі болуға жол ашады.
📅 XIV NIS Conference 2025 Астана қаласында 30–31 қазанда өтеді. Толығырақ ақпарат пен тіркеу сілтемесі: https://beyim.edu.kz/conference
- Информация о материале
- Read Time: 1 min
- 101
Бразилияның Белу-Оризонти қаласында 59-шы Халықаралық Менделеев олимпиадасы өз мәресіне жетті. Қазақстандық оқушылар 40 ел қатысқан жарыста үздік нәтиже көрсетіп, 11 медаль жеңіп алды. Осылайша АҚШ, Жапония, Қытай және Еуропа елдерінің мықты құрамаларын басып озды.
🇰🇿 Қазақстан құрамасы 2024-2025 оқу жылында химиядан республикалық олимпиаданың жеңімпаздары болған 10-11 (12) сынып оқушыларынан жасақталды. Команданың барлық мүшелері халықаралық турнирде жүлдегер атанып, Қазақстандағы білім жүйесінің және дарынды оқушыларға көрсетілетін қолдаудың жоғары деңгейде екенін дәлелдеді.
🚀 Байқауда Маңғыстау облысындағы «Білім-Инновация» лицейінің 10-сынып оқушысы Меңдіғали Қалдыбай практикалық кезеңде ең жоғары ұпай жинап, «Award for the Best Score in the Practical Exam» арнайы сыйлығына ие болды.
Күміс жүлде иеленгендер:
🥈 Данияр Базарбай – 11 сынып оқушысы, «Білім-Инновация» лицейі, Ақтөбе облысы;
🥈 Меңдіғали Қалдыбай – 10 сынып оқушысы, «Білім-Инновация» лицейі, Маңғыстау облысы;
🥈 Аңсар Жақсылықов – 11 сынып оқушысы, «Білім-Инновация» лицейі, Ақтөбе облысы;
🥈 Арен Теңізбаев – 10 сынып оқушысы, №9 «Білім-Инновация» лицейі, Қызылорда облысы;
🥈 Санжар Қалиақбар – 11 сынып оқушысы, «Білім-Инновация» лицейі, Қарағанды облысы;
🥈 Қали Әбілмансұр – 10 сынып оқушысы, Назарбаева зияткерлік мектебі, Астана қаласы;
🥈 Райымбек Ғабдолла – 11 сынып оқушысы, «Білім-Инновация» лицейі, Маңғыстау облысы.
Қола жүлде иеленгендер:
🥉 Айзере Жеңісханова – 10 сынып оқушысы, Назарбаев зияткерлік мектебі, Өскемен қаласы;
🥉 Нұрқожа Умарбаев – 11 сынып оқушысы, «Білім-Инновация» лицейі, Маңғыстау облысы;
🥉 Ярослава Кравчук – 11 сынып оқушысы, №8 дарынды балаларға арналған мектеп-лицейі, Павлодар қаласы;
🥉 Алихан Серікұлы – 11 сынып оқушысы, «Haileybury Almaty» мектебі, Алматы қаласы.
👩🏻🏫🧑🏻🏫 Команданың жетекшілері — Бахытжан Елдана және Азим Аманжолов.
📌 Естеріңізге сала кетейік, Халықаралық Менделеев олимпиадасы Қазақстан ұлттық құрамасы үшін 2025 жылдың 5-14 шілде аралығында Біріккен Араб Әмірліктерінде өтетін химиядан Халықаралық олимпиадаға (IChO) дайындықтың маңызды кезеңі болып саналады.
- Информация о материале
- Read Time: 1 min
- 96
Бүгін Атырауда "AtyrauRobo" жастар фестивалі басталды. Роботтар мен жастар жиналған фестиваль жай ғана техникалық жарыс емес. Бұл — жастардың миды іске қосатын сәті. Осыған байланысты жас өнертапқыштар техникалық шығармашылық әлеуетті арттыру, инновациялық ойлау қабілеттерін дамыту және ғылым мен жаңа технологиялар саласында терең білім мен дағдыларды меңгеруге үшін бас қосты.
14–18 жас аралығындағы 400ге жуық жастар қатысатын фестиваль екі кезең бойынша ұйымдастырылды. Іс-шара аясында шеберлік сағаттары, жарыстар, Hackathon, көрмелер, лекциялар мен экскурсиялар өткізіледі. Сондай-ақ, білім ұйымдары, кәсіби оқу орындары мен сала белсенділері де бар.
Фестиваль Ішкі саясат басқармасының қолдауымен және "Gylym Dauiri" қоғамдық қорының ұйымдастыруымен, облыстық Білім беру басқармасымен әріптестік аясында өткізілуде.
Айта кетейік, "АtyrauRobo" — жастарды технология, инженерия және IT саласына тартуға бағытталған, олардың практикалық дағдыларын дамытуға мүмкіндік беретін өңірлік ауқымды жоба.
- Информация о материале
- Read Time: 1 min
- 153
Су ресурстары және ирригация министрлігінің мамандары «Суды үнемде – болашақты сақта» республикалық акциясы аясында Қазақстан мектептерінде су үнемдеу тақырыбында ашық сабақтар өткізіп жатыр. Бүгінге дейін ашық сабақтарға 1,8 миллионнан астам оқушы қатысты.
Акция Су ресурстары және ирригация министрлігінің бастамасымен және Оқу-ағарту министрлігінің қолдауымен өткізіліп жатыр.
🗣«Балалар сабақтарда пайдалы ақпараттар алып, алған білімдерін күнделікті өмірде қолданады деп ойлаймын. Өйткені мектеп – дұрыс әдеттерді қалыптастыратын ең қолайлы орта. Енді алдағы уақытта жоғары оқу орындарының студенттері үшін де су үнемдеу тақырыбында дәрістер ұйымдастыруды жоспарлап отырмыз»,
– деді Су ресурстары және ирригация министрі Нұржан Нұржігітов.
