Таразы

  Биылғы жылғы 21 сәуірден бастап Республика бойынша заңсыз сақталған атыс қаруларын, оқ-дәрілерді және жарылғыш заттарды азаматтардан сатып алу акциясы өткізіледі.

Атыс қаруларымен, оқ-дәрі және жарылғыш заттарды қолданып жасалатын қылмыстардың алдын-алу үшін, сол арқылы қоғамдық қауіпсіздікті қамтамасыз ету мақсатында 2025жылдың сәуір айының 21-нен бастапхалықтан заңсыз сақталған атыс қаруларын, оқ-дәрілерді және жарылғыш заттарды сатып алу акциясы жүргізіледі.

Акция аясында мемлекет азаматтардың өз еріктерімен өткізген әрбір қару мен оқ-дәрілерге және жарылғыш заттарға 100 айлық есептік көрсеткішке дейін сыйақы белгілеп отыр. Атап айтқанда:

- иір ойықты автоматтарға – 393200 теңгеге дейін,

- иір ойықты винтовкалар мен карабиндерге – 196600 теңгеге дейін,

- иір ойықты пистолеттер мен тапаншаларға – 157280 теңгеге дейін,

- тегіс ұңғылы атыс қаруларына -117960теңгеге дейін,

- жарақат салатын қаруларға – 39320 теңгеге дейін,

- әрбір граната, мина, жару құрылғысы және артиллериялық снаряд үшін – 27524 теңгеге дейін,

- жарылғыш заттардың әрбір 1000 граммы үшін – 23592 теңгеге дейін,

- иір ойықты қару патрондарының әр бірлігі үшін – 112,35 теңгеге дейін қаражат қаралған.

Бұл қару-жарақ заттарын Жылыой аудандықполиция бөлімі қабылдайды. Сізден кажетті құжаттар: жеке куәлік көшірмесі мен есеп шотыңыз туралы (реквизит) банктен алынған анықтама ғана.

Заңсыз сақталған атыс қаруын, оқ-дәрілерді және жарылғыш заттарды өз еркімен тапсырған азаматтар әкімшілік немесе қылмыстық жауапкершіліктен босатылады.

Жылыой ауданының полиция бөліміазаматтардың денсаулығына зақым келуіннемесе жарақат алуын болдырмау мақсатындааудан тұрғыны табылған және анықталған жарылғыш заттарды өздігінен тапсырғысы келсе, оны тасымалдап жүрмей-ақ, бірден «102» нөмеріне немесе 8-778-485-95-97 ұялы телефонына хабарласуын сұрайды.

​Жылыой аудандық полиция бөлімітұрғындардың осы акцияны қолдайтынына сенеді. Сондықтан ққайғылы немесе жайсыз жағдайдан сақтану үшін заңсыз сақталған атыс қаруын ерікті түрде тапсыру үшін тез арадашешім қабылдауға кеңес береді. Өйткені мерзімі өте тығыз!

                                                                        Шыңғысхан Сәбитұлы, аудандық полиция бөлімі әкімшілік полиция бөлімшесі азаматтық және қызметтік қару айналымы бақылау тобының аға инспекторы, полиция аға лейтенанты

сурет: ашық дереккөз

Қазақстан Республикасы Президентінің биылғы 13 наурыздағы №813 Жарлығына сәйкес, аудандық сотқа жаңадан судья тағайындалды. Ол – Ардақ Төлебаева, наурыздың 17-сінен бастап ресми түрде өз қызметіне кірісті.

Жаңадан тағайындалған судьяны Сот әкімшілігінің Атырау облысы бойынша департаменті басшысының орынбасары Нұрлан Исаев аудандық сот ұжымына таныстырып, жаңа қызметіне сәттілік тіледі. Аудандық сот төрағасы Мұратқали Ысқақов өз сөзінде:

- Ардақ Жаржанқызын жаңа қызметімен құттықтаймын. Алдағы жұмысына сәттілік, табыс тілеп, мемлекет игілігі үшін жемісті қызмет етеріне сенемін. Сот төрелігі барысында ар-ожданды басшылыққа алып, азаматтардың құқықтары мен мүдделерін қорғауына тілектеспін, -деді.

Д.ІЗБАСАРОВА

«Маған белгілі адвокат Айман Омарова хат жолдады. Ол өз хатында күрделі тақырыпты қозғап, әйелдер колониясындағы ахуалға тоқталды. Әсіресе, жүкті әйелдер мен кішкентай балалары бар әйелдердің жағдайына баса назар аударды» деген еді Президент Қасым-Жомарт Тоқаев Ұлттық құрылтайдың төртінші отырысында. Осы орайда, мен де еліміздегі қылмыстық-атқару жүйесінің мақсаты сотталған азаматтарды жазалау емес, түзету болуы керек деген пікірмен келісемін.

«Ер адам немесе әйел болсын, бас бостандығынан айырылғандардың бәрі заң алдында бірдей. Дегенмен адамгершілік құндылықтарды басшылыққа алып, «Заң мен тәртіп» қағидатын сақтай отырып, кәмелетке толмаған баласы бар әйелдерге қатысты кейбір заңдық ұстанымдарды қайта қарауға болады деп ойлаймын» деген Мемлекет басшысы құқық қорғау органдары мен депутаттарға осы мәселені байыпты әрі жан-жақты зерттеп, шешім қабылдау үшін ұсыныстар енгізуді тапсырды.

Расымен де, кәмелетке толмаған баласы бар әйелдерге қатысты заңдық ұстанымдарды қайта қарау — бұл қоғамдағы өзекті мәселелердің бірі. Әсіресе, әйелдердің құқықтарын қорғау, отбасы мен балалардың мүддесін сақтау, сондай-ақ гендерлік теңдік мәселелері аясында бұл өте маңызды. 

Жалпы, мұндай әйелдердің еңбек құқықтары жиі қиындықтарға тап болады. Мысалы, көп жағдайда жұмыс берушілер оларды тұрақты жұмысқа алмайды немесе босанғаннан кейін қайта жұмысқа орналасу мүмкіндігін шектейді. Бұл әйелдердің еңбек нарығына қатысуына кері әсерін тигізеді. Сондықтан, заңдар әйелдердің ана болу құқықтарын қорғап, оларды еңбекке орналастыруда қандай да бір кемсітушіліктерден қорғауды қамтамасыз етуі керек.

Балалы әйелдер үшін әлеуметтік қолдау және жәрдемақылар жүйесін жетілдіру өте маңызды. Кәмелетке толмаған баласы бар аналардың табысын арттыруға мүмкіндік беретін заңдар мен бағдарламалар қажет. Сонымен қатар, баланы тәрбиелеуге байланысты шығындарды жеңілдету үшін салықтық жеңілдіктер мен жәрдемақыларды көбейту мәселесін қарастыру керек.

Бұл ретте, мұндай әйелдердің отбасы құқығы да назардан тыс қалмауы тиіс. Әйелдер мен балаларды қорғау жүйесінің тиімділігі арттыру үшін, ата-аналық құқықтарды нақты реттейтін заңдар маңызды. Бұл тұрғыда әйелдерге, әсіресе, баланың заңды қамқоршысына айналған жағдайда, олардың құқықтары мен мүдделерін қорғау шаралары қажет.

Мұндай әйелдер үшін кәсіби өмір мен отбасын тең дәрежеде үйлестіру мүмкіндігін арттыру керек. Әйелдерге арналған арнайы қолдау бағдарламалары мен жұмыс орындарын ұсыну арқылы олардың екіжақты жауапкершілікті атқаруы жеңілдейді. Сондай-ақ, мемлекет жұмыс берушілерді анамамен жұмыс істейтін әйелдерге арналған бейімделген жұмыс орындарын жасауға ынталандыруы керек.

Балалы әйелдердің мұрагерлік құқықтары мен қорғаншылық мәселелері де заң тұрғысынан қаралуы тиіс. Баласының құқықтарын қорғау үшін заңдар мен құқықтық механизмдер тұрақты түрде жетілдірілуі керек. Әйелдердің балалары үшін нақты қаржылық немесе меншік құқықтары болса, оларды сақтау, қорғау механизмдерін дамыту қажет.

Мұндай әйелдер көбінесе тұрмыстық зорлық-зомбылықтың құрбаны болуы мүмкін. Осыған байланысты әйелдер мен балаларға психологиялық қолдау көрсету мен заңды қорғау шараларын күшейту қажет. Әйелдерге өз құқықтарын түсінуге көмектесу, зорлық-зомбылыққа қарсы әрекет ету үшін қоғамның хабардарлығын арттыру керек.

Аталған әйелдердің құқықтары мен мүмкіндіктерін қорғауға бағытталған заңдық реформа — бұл әйелдердің қоғамдағы рөлін нығайту мен отбасының әлеуметтік жағдайын жақсартудың тиімді жолы. Заңдардағы кемшіліктерді жою және әйелдер мен балаларға арналған құқықтық қорғаныс механизмдерін жетілдіру, балалы әйелдерге қатысты әлеуметтік теңдікті қалыптастыруға ықпал етеді.

Нұрлан Есжанұлы,

жеке заңгер

Фото: ru.freepik.com

  Еліміз бойынша жүздеген ауылдар өз еркімен спиртті ішімдіктерді сатудан бас тартуда. Бұл — қарапайым халықтың саналы таңдауы. Тәртіп, денсаулық және балаларының болашағы үшін жасалған шешім. Мәселен, Маңғыстау облысының Маңғыстау ауданындағы бір ауылда тұрғындар ішімдікті сатудан өз еркімен бас тартып, бұл туралы бейнероликті әлеуметтік желілерде жариялады. Осындай мысалдар Ақмола, Жамбыл, Қарағанды, Атырау және басқа да облыстарда кездеседі. Иә, бұл елдегі барлық ауыл санын ескерсек, теңізге тамған тамшыдай көрінуі мүмкін. Бірақ бастысы — жағдайдың оң серпіні бар. Мұндай елді мекендер саны артып келеді. Адамдар сенім мен тұрақтылықты, тыныштықты жоғары бағалап, бір-біріне үлгі бола бастады. Бастама ауыл ақсақалдары мен Қоғамдық кеңестерден шығып, прокуратура, полиция және жергілікті әкімдіктердің тарапынан үйлестіру, алдын алу және қауіпсіздік қамтамасыз етілді. Ауыл кәсіпкерлері ерекше алғысқа лайық. Жерлестерінің үнін естіп, олар дүкен сөрелерінен ішімдікті өз еркімен алып тастады. Күмәнданғанмен, табыстары азайған жоқ. Керісінше, ауыл тұрғындары ішімдіктің орнына балаларға пайдалы азық-түліктерді жиі сатып ала бастады. Нәтижелер өздігінен көрініп тұр: • кейбір ауылдарда қылмыс мүлде жойылды, • тұрмыстық жанжалдар тоқтады, • жастар спорт пен саналы өмір салтын таңдай бастады. Бұл — «Заң және Тәртіп» қағидатының өмірдегі нақты көрінісі. Тәртіп қорқынышпен емес — сеніммен, жаза арқылы емес — саналы таңдаумен орнайды. «Заң мен Тәртіп — кемел демократияның іргетасы әрі құқықтық мемлекеттің негізі», – деп Мемлекет басшысы атап өткен еді. Біз болашаққа деген қамқорлық, қоғамдық келісім және заңға құрметке негізделген әрбір бастаманы қолдаймыз. Айта кету керек, ресми статистика бойынша ағымдағы жылдың алғашқы үш айында алкогольдік мас күйінде жасалған қылмыстар саны азайған.

АСТАНА. KAZINFORM — Ұлттық экономика министрінің бірінші орынбасары Азамат Әмрин Сенатта өткен дөңгелек үстелден кейін өткен баспасөз мәслихатында Мәжілісте жатқан Салық кодексінің жаңа редакциясында сән-салтанат салығы қалай есептелетінін айтты.
Бөлісу:
 
Коллаж: Kazinform
— Сән-салтанат салығы дейтін бөлек салық болмайды. Жекелеген салық нысандарына жоғары салық мөлшерлемелері болады. Мысалы, қымбат алкогольге жоғары салық мөлшерлемесі болады. Егер бір құтысының бағасы 5 млн теңгеден асатын коньяк кеденнен ішке өткен болса, оның алып өтіп, декларациялаған жеке тұлғаға коньяқ құнының 10 пайызы көлемінде қосымша салық қосылады. Қазір ондай өнімге 470 теңге көлемінде ғана салық салынады. Сонда енді осыған қосымша акциз қосылады деген сөз. Қымбат шылымға да акциз болады. Ал сырттан келген көліктің бағасы 100 мың доллардан жоғары болса, тағы да бағасының 10 пайызы көлемінде акциз алынады, — деді ол.
Азамат Әмрин бірнеше мүлкі бар адамдардың салығы да артанын айтты.

— Бірнеше қымбат көлік кіргізсе, санына қарай акциз мөлшерлемесі де өсе береді. Мүлік салығына келсек, мүліктердің құнын қосып есептеп, сол сомаға салық есептейміз. Мысалы, бір пәтердің құны 25 млн теңге болды дейік. Оған қазір құнының 0,1 пайызы көлемінде салық салынады. Ал 5 пәтер болса, бәрінің бағасын қосып, қорытындысы соманың 1 пайызы көлемінде салық есептеледі. Сонда қазіргіден 10 есе жоғары болады деген сөз, — деді вице-министр.
Еске салсақ, 15 наурызда Мемлекет басшысы жаңа Бюджет кодексіне қол қойған еді. 

#ЗАҢМЕНТӘРТІП

5 сәуірден бастап мопедтер ресми түрде механикалық көліктерге жатқызылып, оларды тіркемей және құқықсыз пайдалануға тыйым салынады. Өзгерістерге сәйкес мопедті алдын ала тіркеп, қажетті жүргізуші куәлігін алу қажет. Қазіргі таңда Атырау облысы аумағында 431 мопед көлігі тіркеуге қойылған. 5-ші сәуірден кейін тіркелмеген мопед жүргізушілеріне әкімшілік құқықбұзушылық туралы кодекстің 612- бабындағы «Көлік құралын жүргізу куәлігі жоқ күйінде тізгіндеу» және 590-бабы 2-тармағына сәйкес «Мемлекеттік белгісі жоқ күйде басқарғаны үшін» әкімшілік жауапкершілікке тартылады.

- 2025 жылғы 5 сәуірден бастап тіркеу қағидаларына және «Жол қозғалысы туралы» Заңына түзетулер күшіне енеді. Осы күннен бастап 50 текше метрлік мопедтер ресми түрде механикалық көліктерге теңестіріледі. Бұл дегеніміз, осындай көлікті басқару үшін жүргізушіге А1, А немесе В санаттарындағы жүргізуші куәлігі, ал мопедте мемлекеттік нөмірлер, сақтандырудың болуы және техникалық тексеруден өтуі қажет,- дейді Атырау облысы ПД Әкімшілік полиция басқармасы Процессингтік орталығының бастығы Жеңіс Дәулетов.

Егер мопед көлік құралдарын тіркеуге байланысты ақпарат алғыңыз келсе, көрсетілген байланыс нөмірлеріне хабарласа аласыз: 
📞98-13-15; 
📞 98-13-14.

#ЗАҢМЕНТӘРТІП

Атырау қаласы аумағында патрульдік полиция қызметкерлері жол-көлік оқиғаларының алдын алу және жол қозғалысы қауіпсіздігін қамтамасыз ету, жол қозғалысы ережесінің талаптарын өрескел бұзу деректерін анықтау мақсатында профилактикалық жұмыстарды жүргізуде. 
Іс-шара барысында патрульдік полиция батальонының қызметкерлері қала аумағында көлік жүргізушілері тарапынан орын алатын құқық бұзушылықтарға жол бермеуді, мас күйде көлік басқарудың алдын алу, жол қозғалысы қауіпсіздігін қамтамасыз ету, жол қозғалысы ережесінің талаптарын өрескел бұзу деректерін анықтау мақсатында түсіндірме жұмыстарын жүргізуде.

Полицейлер жол ережесін қатаң сақтауды ескертеді!

#ЗАҢМЕНТӘРТІП

Республикалық маңызы бар тас жолдарда жол-көлік оқиғаларының орын алуына басты себеп – көлік жүргізушілерінің жол қозғалысы ережелерін қатаң сақтамауы. Аталған жағдайларды болдырмау үшін патрульдік полиция ротасының қызметкерлері дрон әуе камерасының көмегімен жол ережелерін бұзу фактілерін анықтап, көлік жүргізушілеріне түсіндірме жұмыстарын жүргізуде. 

Айта кетейік, Қазақстан Республикасы Ішкі істер министрлігінің нұсқауына сәйкес, тас жолдардағы жол-көлік оқиғаларының алдын алу және апаттылық деңгейін төмендету мақсатында Атырау облысы аумағында «Әуе патрульдеу» қызметі іске қосылды. 

Осы ретте, полицейлер барлық жол қозғалысына қатысушыларға жол ережесін қатаң сақтап, көлік құралын сауатты басқару керектігін ескертеді!