Спорт

АСТАНА. KAZINFORM — АҚШ-тың Бостон қаласында мәнерлеп сырғанаудан өтіп жатқан әлем чемпионатында қазақстандық Михаил Шайдоров қысқа бағдарламада сәтті өнер көрсетті.
Бөлісу:
 
Фото: ҰОК
Қазақстандық спортшы төрешілер шешімімен 94,77 балл жинап, 39 қатысушының арасынан үздік үштікке ілікті. 

Америкалық Илья Малинин (110,41 ұпай) көш бастаса, жапониялық Юма Кагияма (107,09 балл) екінші орында келеді. 

Еркін бағдарлама сайысы Қазақстан уақыты бойынша 30 наурыз күні таңғы сағат 04.00-ге жоспарланған. 

Спортты дамыту дирекциясынан мәлім еткеніндей, Михаил Шайдоров Қазақстан тарихында қысқа бағдарлама бойынша әлем чемпионатында ең көп ұпай алған мәнерлеп сырғанаушы ретінде тіркелді.

Бұған дейін Денис Тен 2013 жылы қысқа бағдарламада 91,56 ұпай алған еді.

Еске сала кетейік, бұдан бұрын Михаил Шайдоровтың қысқы Азия ойындарының қола жүлдегері атанғанын жазған болатынбыз.

Сондай-ақ мәнерлеп сырғанаушы Софья Самоделкина Бостондағы турнирде өнер көрсетті.
С.Самоделкина қысқа бағдарламадан кейін 13-орында тұр.

 «AMANAT» партиясының сайлауалды бағдарламасы аясында Қармақшы ауданы, Ақай ауылында дене шынықтыру-сауықтыру кешені  ашылды. Салтанатты іс-шараға облыс әкімі Нұрлыбек Нәлібаев, Сенат  депутаты Руслан Рүстемов, Мәжілістегі «AMANAT» партиясы фракциясының мүшелері  Мұрат Әбенов, Мархабат Жайымбетов, Мұрат Ергешбаев  және зиялы қауым өкілдері мен ел ағалары, аудан тұрғындары қатысты. 

Аймақ басшысы жұртшылықты мерекемен құттықтап, мұндай кешендердің көбейгені халықты спортпен шұғылдануға ынталандыратынын атап өтті.

«Президентіміз Қасым-Жомарт Кемелұлы «Бұқаралық спортты дамыту арқылы біз кәсіби спортқа жол ашамыз және ең бастысы, ұлт саулығын жақсартамыз» деген болатын. Тұрғындар спортты күнделікті өмір салтына айналдыру үшін осындай кешендердің саны артып келеді. Өткен жылы қазан айында Қызылорда қаласында «Үстел теннисі» орталығы пайдалануға берілді. Халықаралық стандарттарға сәйкес келетін 11 мың орындық Орталық стадион мамыр айында ел игілігіне табысталады. Жақын күндері көпбейінді «Қызылорда Арена», дене шынықтыру-сауықтыру кешендерінің құрылысы басталады», - деді облыс басшысы.

Рәсімде Қармақшы ауданының әлеуметтік-экономикалық дамуына үлес қосқан азаматтар мен ғимаратты салып, ел игілігіне табыстаған құрылысшылар облыс әкімінің Алғыс хатымен марапатталды.

СҚО-да Наурыз мейрамын тойлау кезінде халықаралық жарыстарда жеңіске жетіп, жүлдегер атанған спортшыларды салтанатты түрде марапаттау рәсімі өтті. Бұл туралы өңір әкімдігіне сілтеме жасаған KAZ.NUR.KZ хабарлайды.

Марапаттау рәсімінде облыс басшысы Ғауез Нұрмұхамбетов парабиатлоннан әлем кубогында Үлкен хрусталь глобусты жеңіп алған Ербол Хамитовқа жаңа автокөліктің кілтін табыс еткен.

Ал қазақ күресінен әлем чемпионы Мейіржан Берекетовке жаңа пәтердің кілті табысталған.

Сондай-ақ парашаңғы спортынан әлем кубогының жүлдегері Александр Герлицке, конькимен жүгіруден Азия ойындарының қола жүлдегері Надежда Морозоваға және бокстан Азия чемпионатының қола жүлдегері Наталья Богдановаға ақшалай сыйақы берілген.

"Біздің талантты спортшыларымызды жоғары жетістіктерімен құттықтаймын және оларға әлемдік ареналарда жаңа жеңістер тілеймін!" - дейді өңір басшысы.

Айта кетейік, пара биатлоншы Ербол Хамитов жеңіп алған Хрусталь глобус Қазақстанға 31 жылдан кейін бұйырып тұр. Хрусталь глобусты соңғы рет яғни, 1994 жылы шаңғышы Владимир Смирнов (1990/1991 және 1993/1994 жылғы маусым) иеленген болатын.

АСТАНА. KAZINFORM — Қазақстандық, әлемнің 215-ракеткасы Бейбіт Жұқаев Морелия (Мексика) челленджер турнирінің ширек финалына жолдама алды.
Бөлісу:
 
Фото: Қазақстан теннис федерациясы
Қазақстандық теннисші екінші айналымда әлемнің 176-ракеткасы, бразилиялық Фелипе Мелигени Алвестің мысын басты.

Бірінші партияда тай-брейкте Бейбіт шеберлік танытты – 7:6 (7:5).

Екінші сетте есеп 3:3 болған мезетте Жұқаев брейк жасап, сол басымдылығын сақтап қалды – 6:4.

Екі сағатқа жуық уақытқа созылған тартысты матчта қазақстандық спортшы 13 эйспен бірге 3 брейк-пойнттың біреуін өз есебіне жазды. Бразилиялық теннисші 6 эйс жасағанымен, 4 брейк-пойнтты пайдалана алмады.

Бейбіт Жұқаев жартылай финалға шығу үшін әлемнің 172-ракеткасы, швейцариялық Марк-Андреа Хюслермен таласады. 

Жүлде қоры 200 мың долларға бағаланған Морелия додасы 30 наурызда мәресіне жетеді.

Жарыс жеңімпазы 25,4 мың долларға қоса 125 рейтингілік ұпайға ие болады. 

Б.Жұқаев қазіргі кезде ATP Live рейтингісінде 205-орынға көтеріліп тұр. 

Еске сала кетейік, бұдан бұрын Бейбіт Жұқаевтың Мексикадағы жарыста қарсыласын айқын басымдылықпен ұтқанын жазған болатынбыз.

Сондай-ақ Тимофей Скатов Испанияда жарыстың 3-ракеткасын ойсырата ұтты. 

Наурызнама онкүндігі бастау алғалы ауданымызда бірқатар мәдени-спорттық шаралар ұйымдастырылуда. Соның бірі, ұлттық спортымыз, қазақ күресінен жасөспірімдер арасында аудандық ашық турнир өтті. Боз кілемде бақ сынаған болашақ чемпиондардың жеңіске деген жігері жанкүйерлердің арқасын қоздырып, мерекелік көңіл-күй сыйлады.

Наурыз мерекесіне орай өткен бұл турнир аудандық мәдениет, тілдерді дамыту, дене шынықтыру және спорт бөлімінің ұйымдастыруымен өтіп, 2012-13 және 2014-15 жылы туған спортшылар қатысты. Аталған жарысқа Маңғыстау, Ақтөбе, Атырау облыстарынан жалпы есебі 220 спортшы мен 11 команда келіп, 8 салмақ дәрежесінде өзара мықтыларды анықтады. Дода барысында ауданымыздағы №1 балалар-жасөспірімдер спорт мектебінің шәкірттеріне қазақ күресінен «1 -жасөспірімдік разрядты спортшы» разряд куәлігі берілді.
Ұйымдастырушылардың бірі, аудандық мәдениет, тілдерді дамыту, дене шынықтыру және спорт бөлімінің бас маманы Анарбек Мұратұлы:
-Дода жоғары деңгейде өтуде. Аудандық ашық турнир емес, Батыс аймағының чемпионаты іспеттес. Себебі, спортшылардың барлығы тыңғылықты дайындықпен келіп, өздерінің шеберліктерімен тәнті қылуда. Боз кілемге шыққандар арасында көк туымызды көкте желбіретер болашақ чемпиондарымыз жүргеніне сенімдімін. Барша жеңімпаздарды жеңісімен, жерлестерімді айтулы мерекемен құттықтаймын,-деді өз сөзінде. 
Аудан намысын қорғаған Д.Таңжарбай, А.Төкен, П.Қазиз, Т.Қадауат, С.Шопандар алтыннан алқа тағып, жылыойлықтардың жігерін жаныды. Құрманғазыдан Ю.Асқар, Хромтаудан И.Ақылбек, Атырау қаласынан келген А.Қуанышқалилар да жеңіс тұғырынан көрініп, өз салмақ дәрежесінде чемпион атанды. 
Барша жеңімпаздар мен жүлдегерлер арнайы диплом және медальмен марапатталды. Жауырыны қақпақтай, қара айдары тоқпақтай қара күш иегері Қажымұқанның ізін қуған жас палуандардың  бұл күні мерейі үстем болып, ұлттық спорт түрі ұлығыланды.
Е.АЛТАЙҰЛЫ

Наурызнама онкүндігі аясында 20 наурыз "Ұлттық спорт күні" болып белгіленген.  

Спорт- салауатты өмір салты. Ертеректен спортпен шұғылданған адамның дені де, жаны да сау болып келеді. Ал, еліміздегі кей спорт түрлері жемқорлықтың былығына батқан. Мысалы, бюджеттен қаржыландырылатын футбол клубтары. 

Иә, шетелден келген легионерлерге қыруар қаржы төлейтін клубтар аз емес. Облыстық бюджеттен қамтамасыз етілетін кей клубтар ақшасын оңды-солды шашып, тіпті, банкрот деп те танылып жатқанын көз көріп жүр. Одан қалса, келімсекке адам ақылына сыймайтын жалақы ұсынады. Ол сол қаржыға сай деңгей көрсетсе бір сәрі. Кей легионерлер келгеннен жарақат алып, айлап лазаретте жатып-ақ бюджеттің ақшасын басыбайлы қылады. Ал, футболды дамыту легионерлерді алып келуден емес, жас жеткіншіктерге жағдай жасаудан басталады. Дәл осы ойды Мемлекет басшысы Қ.Тоқаев та Бурабайда өткен Ұлттық Құрылтайда сөз етіп:
-Елімізде футболды дамытуға баса мән беру керек деп санаймын. Демеушілер қаржысы есебінен облыстық стадиондардың көпшілігін жаңғырту қажет немесе жаңа футбол стадиондарын салуды қолға алған жөн. Бұл мәселені бақылауда ұстаймын.
Әрбір облыс, аудан орталығында, кент пен ауылда балаларға арналған футбол алаңы болуға тиіс. Бұл – алдағы екі жылдың міндеті. Оның орындалуын тексереміз. Балаларды, жасөспірімдерді футболға қызықтыру арқылы лудомания, нашақорлық мәселесін біршама шешуге болады. Осы салаға жауапты министрлік, Футбол федерациясы, жергілікті атқарушы органдар, кәсіпкерлер клубтық футболды коммерцияландыруға нақты кірісуі керек. Клубтар облыстық бюджеттерге ғана арқа сүйемей, шетелдердегі секілді өздері де табыс табуды үйренуі керек. Сондықтан мен кәсіпкерлерді клубтық футболға бизнес ретінде қарауға шақырамын. Футбол клубтары жекеменшікке өтпей, іс алға баспайды. Бұл – әлемдік тәжірибе. Клубтар жекеменшік болса, шетел спортшыларын шақыру құқығына ие болады. Спортты насихаттау, оны әсіресе балалар мен жасөспірімдер арасында дәріптеу – ұлт саулығының кепілі,- деген еді.
Шынында, шетелге көз тігіп, ежелден бұл спорт түрінде ілгері кеткен Европаға зер салсақ, мемлекет футбол клубтарына көк тиын да бөлмейді. Тек қана балалар футболына мән береді. Жекеменшікке өткен командалар да өзі үшін ақшаны оңды-солды шашпай, баппен, байыппен пайдалана біледі. Сондықтан, біз де сол соқпаққа түсуіміз керек-ақ.

Асылбек Жылқыбаев
Футбол жанкүйері

– Назым Қызайбайды отандық бокс тарихында тұңғыш рет үш дүркін Әлем чемпионы болуымен құттықтаймын. Бұл – айтулы жетістік!

Сербияда өтіп жатқан Әлем біріншілігінде үздік нәтиже көрсеткен Ұлттық құрама мүшелеріне алғыс айтамын. Спортшы қыздарымыздың алдағы уақытта да үлкен жеңістерге жете беруіне тілектестік білдіремін, – деп жазды Мемлекет басшысы Instagram әлеуметтік желісіндегі өзінің парақшасында.