Спорт

АСТАНА. KAZINFORM - Бүгін, 16 қаңтарда Италияның Турин қаласында 2025 жылғы Қысқы универсиаданың үшінші жарыс күнінде қазақстандық спортшылар биатлон, мәнерлеп сырғанау және шайбалы хоккейден сынға түседі.

 
Фото: olympic.kz
Дүбірлі додада биатлон 14:00-де басталады. Аралас эстафетада ерлер 7,5, әйелдер 6 шақырымға жарыс жолына шығады. Аталған сында еліміздің намысын Никита Акимов пен Полина Егорова қорғайды.

Ал мәнерлеп сырғанауда қысқа бағдарламада сағат 22:00-ден бастап ерлер арасында Никита Кривошеев, Михаил Шайдоров пен Диас Жиренбаев сайысқа түседі.

Cағат 20:30-де шайбалы хоккейден әйелдер арасында Қазақстан мен АҚШ кездесуі басталады.

Қазірге дейін Қысқы универсиадада ел құрамасы қоржынында 2 алтын, 3 күміс, 1 қола медаль бар. Фристал -могулдан Анастасия Городко екі мәрте чемпион атанды.

Ал фристал-могулдан Аяулым Әмренова, парашаңғыдан Денис Зинов, фристайл-могулдан ерлер арасында Антон Бондарев күміс алса, парашаңғыдан Роман Құрбанов қола медаль иеленді.

Күллі Батыс Қазақстан аймағы көз тіккен дүбірлі дода біздің ауданда өтті. Футзалдан «Medina Cup-2024» турнирі қаламыздағы «Жігер» спорт кешенінде болды. Тартысқа толы жарыста командалар барын салып, 2 млн. теңгеден астам жүлде қорына таласты. Біз де көптің көңілінен шығып, жанкүйердің делебесін қоздырған, үш күнге созылған байрақты бәсекеде көрермен қатарында болдық.

Аталған турнирге 10 команда қатысты. Оның ішінде ақтөбелік, оралдық, маңғыстаулық құрамалар бар. Және жергілікті 5 футзал клубы өнер көрсетті. Аталған командалар А және Б тобына бөлініп, өзара мықтыларды анықтады. Ал, плей-офф кезеңінде турнирдың көркі одан әрі қыза түсті. Өз топтарында көш бастағандар бірден жартылай финалға жолдама алса, екінші және үшінші орын алғандар ширек финалда бақтарын сынап көрді. Негізі турнир тікелей эфирде таратылды. Трансляция арқылы тамашалаған жанкүйерлердің саны көп. Ал, спорт кешеніне келген спортсүйер қауымның қарасы қалың болды.

Жартылай финалдағы оралдық «Желаев Нан» мен жылыойлық «Жігерге» ширек финалдағы қарсыластарын қапы қалдырған жергілікті «Медина» мен «Бекбатыр» командалары қосылды. Қызықтың көкесі сол кезде басталды. Алғашқы жұпта «Бекбатыр» командасы желаевтықтардың қақпасына соңғы секундтарда ғана жеңіс голын соғып, ақтық айқастың жолдамасын жұлып алды. Ал жігерліктер «Мединаны» оңай еңсергенімен, ойын барысында турнир қожайындары тамаша кэмбек жасауға сәл қалды. Қола үшін таласта тіптен драма болды. Оралдық ұжым 4:0 есебімен ұтып жатып, қолда тұрған жеңісті жіберіп қоюға сәл қалды. Таразы басы теңесіп, тек пенальти сериясында ғана шын мықты анықталды. Желаевтықтар жеңіске жетіп, әрең дегенде қоланы қанжығаға байлады.

Көбі асыға күткен финал да қызыққа толы болды. Алғаш болып есепті ашып қана қоймай, екі бірдей гол соққан «Бекбатыр» командасы чемпиондыққа жақындағанымен, тәжік ойыншыларынан құралған алаң қожайындары тез естерін жиып үлгерді. Тіптен, ірі есеппен жеңіске жетіп, қорытынды есеп 7:4 болып тіркелді. «Жігер» спорт кешенінде өткен турнирде «Жігер» командасы көптен күткен чемпиондық атағына қол жеткізіп, жеңіс тойын тойлады. Және дәл осы команданың белді ойыншысы, әрі турнирдің «Үздік сұрмергені» атанған Файзали Сардоров:

- Қазақстан – өте қонақжай ел. Жылыой жеріне де алғаш аяқ басуым емес. Құлсарыдай керемет қалада осыған дейін де өнер көрсеттім. Бірақ, бұл жолы қойған мақсатымызға жетіп, чемпион атанып отырмыз. Турнир өте жоғары деңгейде ұйымдастырылған. Баршасына шексіз ризашылығымды білдіремін. Соңғы жылдары Жылыойда футзал спорты қарқынды дамуда. Үлкен турнирлер жиі өтеді. Жергілікті жас бүлдіршіндердің де жеңістерін естіп жүрміз. Барша құлсарылықтарға алғыстан басқа айтарым жоқ,-деп жалпы жарыс туралы ойымен бөлісті. Турнир ұйымдастырушысы Марат Өскенбаев:

-Барлық қатысушыларға алғысымды айтамын. Бұл шара жоғары деңгейде өтті деп есептеймін. Осы орайда жанымда жүрген аға-інілеріме ерекше рахметімді айтқым келеді. Себебі, бастамамды қолдап, көмек қолын созғандар көп болды. Және сол кісілерге де сыйлығымды табыс еткім келеді. Барша жеңімпаздарды шын жүректен құттықтаймын,-деді өз сөзінде.

Иә, шыны керек, соңғы жылдары дәл осы спорт түрі ауданымызда қарқынды дамуда. Ауылдық округтердегі жасөспірім-балалар спорт мектебінің шәкірттері де күн сайын болмаса да, ай сайын республикалық біріншіліктерден топ жарып келеді.

Ересектер арасында да биылғы жылдың өзінде бір халықаралық, екі республикалық турнир өтті. Келер жылы бұдан да көп болуы әбден ықтимал. Себебі, ағымдағы жыл көктемгі су тасқынының әсерінен кей жоспарлар кейінге шегерілген болатын. Ал еліміздің құрамасы да әлемдік додада жанкешті ойынымен жанкүйерлердің есінде қалған болатын. Алдағы уақытта ауданымызда мұндай турнирлер сиремей, керісінше көбейер болса, жергілікті жас спортшыларға да тиер пайдасы орасан зор болмақ. Аудан спортына бейжай қарамай, қаржысын құйып жүрген кәсіпкерлердің ісі құптарлық. Жалпы жарыстың жүлдегерлері ақшалай сыйлық пен медальдармен марапатталды.

Е.Алтайұлы

Италияның Турин қаласында 2025 жылғы Қысқы универсиаданың салтанатты ашылу рәсімі өтті.
Салтанатты ашылу рәсімінде ел құрамасынан ту ұстап шығатын құрметіне хоккейші Абылайхан Сүлейменов пен фристайл шебері Аяулым Әмренова ие болды.

Kazinform-ның хабарлауынша, Абылайхан шайбалы хоккейден «Номад» командасының ойыншысы.

Ол бұдан бұрын АҚШ-та өткен ХХХІ Дүниежүзілік қысқы универсиадада еліміздің хоккей құрамасы сапында үшінші орынды иеленді.

Ал Аяулым Әмренова — фристайл бойынша 2017 жылғы Еуропа кубогы кезеңдерінің алтын, күміс және қола медалін алған.

Қысқы Универсиадаға Қазақстан құрамасы ерекше дайындық жасап келді. Олар үстіндегі көк түсті спорттық формаларымен алаң төрінен жүріп өтті.

Жас спортшылар 11 спорт түрі бойынша бақ сынайды. Қазақстан құрамасынан 103 спортшы қатысады. Олар биатлон, шорт-трек, шаңғы жарысы, мәнерлеп сырғанау, қысқы спорттық бағдарлау, фристайл, тау шаңғысы, ерлер және әйелдер хоккейі, сондай-ақ парашаңғы жарыстары бойынша сынға түседі.
Қысқы Универсиада
Фото: Ұлттық ғылыми-практикалық дене тәрбиесі орталығы

Дүбірлі додаға әлемнің 57 елінен 2000-нан астам спортшы қатысады. Жарыс бағдарламасында 11 спорт түрі бойынша 96 медаль жиынтығы сарапқа салынады.

Қазірге дейін Қысқы Универсиадада қазақстандық спортшылар 98 медаль еншілеген. Оның ішінде 32-ы алтын, 29-ы күміс, 37-і қола.

Айта кетсек, Қазақстан құрамасы өз тарихында ең жақсы нәтижені 2017 жылы Алматыда өткен Универсиадада көрсетті. Онда жалпы медальдар есебі бойынша 36 медаль (11 алтын, 8 күміс және 17 қола) жеңіп алып, екінші орынға ие болған еді.

Сондай-ақ телеарна 13-23 қаңтар аралығында өтетін студенттік спорттық жарыстарды көрсету құқығына ие болды.

Атырау облысы әкімінің орынбасары Дарын Шамұратов өңірде спорт пен туризм саласының дамуына үлес қосып жүрген бірқатар азаматты марапаттады. Олардың арасында кәсіби спортшылар мен туризм саласында қызмет ететін мамандар бар,  деп хабарлайды Өңірлік коммуникациялар қызметі. 

Нақтырақ айтқанда, «Мүгедектер спорт клубының» параүстел теннисі бойынша жаттықтырушысы  Гүлнар Иманалиева ҚР Президенті Қасым-Жомарт Тоқаевтың Жарлығымен «Құрмет» орденімен марапатталды. 12 параспортшыға ҚР Премьер-министрі Олжас Бектеновтың Алғыс хаты табысталды. Сонымен қатар туризм мен салауатты өмір салтын насихаттап, салалардың дамуына үлес қосып жүрген азаматтар және бір топ спортшы Атырау облысы әкімі Серік Шәпкеновтің Алғыс хатына ие болды. 

"Жыл қорытындысы аясында жеткен жетістігімізді елеп, құрмет білдіріп жатқаны үшін өз алғысымды білдіремін. Биыл біздің команда Париж паралимпидасына қатысып, үздік бестік қорытындылады. Келер жылы да үлкен жетістіктерге жетіп, өңір намысын республикалық, халықаралық жарыстарда қорғауға тырысамыз", - деді параволейболдан Атырау облысы командасының капитаны Бауыржан Сартаев. 

Айта кетейік, биыл атыраулық спортшылар түрлі деңгейдегі жарыстарға қатысып, 1500 медаль жеңіп алды. Паралимпиада ойындарынан - 4, Азия чемпионатынан – 24, Қазақстан чемпионатынан – 485 және  Дүниежүзілік көшпенділер ойындарынан 3 жүлдені қанжығалады.

2024 жылы Атырау облысы спортсаласында тұрақты нәтижелеркөрсетіп, халықаралық және ұлттықжарыстарда 2000-ға жуық медаль жеңіп алды. Өңірде ауылдық жерлерде жаңанысандар салуға баса назар аудараотырып, спорттық инфрақұрылымдыдамыту процесі жалғасты. Сондай-ақ, жас спортшыларды даярлаудажетістіктерге қол жеткізілді, ал облысспортшылары Паралимпиадаойындарында жоғары нәтиже көрсетті.Алдағы жылдары бірқатар спорткешендерінің құрылысын аяқтаужоспарлануда, бұл спортпен шұғылдану үшін тұрғындарға молмүмкіндіктер ашады, депхабарлайды Аtyrau Рress тілшісі. 

Спорттық жетістіктер 

Биыл облыс спортшылары 2000-ға жуықмедаль жеңіп алды, оның 91-і әлемчемпионатында, 71-і Азиячемпионатында, 450-і ҚазақстанРеспубликасының чемпионатында. Айтакету керек, ең көп марапаттарғаолимпиадалық емес спорт түрлерініңспортшылары ие болды.

Спортшылар үшін ең жоғары марапат - "Еңбек сіңірген спортшы" атағы. Ағымдағыжылы 3 "Еңбек сіңірген спортшы"дайындалды. Бұл атақ Абиба Әбужақынова, Зарина Райфова жәнеЖұрқамырза Шүкірбековке берілді.Сондай-ақ, 4 спортшы халықаралықдәрежеге қол жеткізді, 20 атыраулықспорт шебері және 200 спорт шеберінеүміткер болды. Бір жаттықтырушы"Парасат" медалімен және тағы бірі "Құрмет" орденімен марапатталды. 

Облыс бойынша барлығы 807жаттықтырушы бар. Оның ішіндебасқармаға ведомстволық бағыныстыұйымдарда 665 жаттықтырушы жұмыс істейді. Жалпы, облыста 30 ҚазақстанРеспубликасының еңбек сіңіргенжаттықтырушысы бар. Жаттықтырушылардың кәсіби өсуіне көпкөңіл бөлінеді, республикалықорталықтарда біліктілікті арттырукурстарынан өту бойынша жұмыстарұйымдастырылды. Биыл еліміздің құрамакомандасына кірген спортшылардың саны 451 адамды құрады, бұл өткен жылғыкөрсеткіштен асып түсті. Атырауоблысының парапортсмендері де биылжоғары нәтижелерге қол жеткізді. ЖазғыПаралимпиада ойындарына қатысуғаоблыстың 16 спортшысы лицензия алды.Парадзюдошылар паратаеквондодан екіқола медаль жеңіп алды, ал паралегалда — 5-ші орын алды. ҚазақстанРеспубликасы құрамасының құрамынакіретін параволейболшылар да 5-ші орынды иеленді.

 Жыл басынан бері облыста 125 000-нан астам адамды қамтитын 1000-нан астамспорттық-бұқаралық іс-шаралар өткізілді,оның 70 мыңы ауылдық жерлерде.Маңызды және ауқымды іс-шаралардыңішінде жеңіл атлетикалық марафондар,жүгірулер, отбасылық жарыстар жәнежаппай коньки тебуді атап өтуге болады.Басқарманың бастамасымен 71 спорттықіс-шара ұйымдастырылды, оның ішінде таеквондо, шинкиокушинкай каратэ,баскетбол, жекпе-жек, волейбол, бокстанжәне күрестен ҚР 7 чемпионаты,сондай-ақ 6 республикалық турнир.Спортты дамыту бойынша жүргізіліпжатқан жұмыстар көптеген адамдардыңдене шынықтырумен айналысуынамүмкіндік туғызады. Барлық спортмектептерінде кешкі уақытта, сондай-ақсенбі мен жексенбіде тұрғындар тегінспортпен шұғылдана алады.

2024 жылы Атырау облысыныңспортшылары көптеген халықаралықжарыстарға қатысты. Жалпы, біздіңспортшылар әлем чемпионаттарында 91, Азия чемпионатында 71 жәнехалықаралық турнирлерде 248 медальжеңіп алды. Спорттық резервтідаярлаумен 31 балалар мен жасөспірімдер спорт мектебі,олимпиадалық резервті даярлауорталығы және олимпиадалық резервтіңоблыстық мамандандырылғанмектеп-интернаты айналысады. Жасспортшылар бокс, күрес, дзюдо, қазақ күресі, таеквондо және басқа да спорт түрлерінде айтарлықтай нәтижелергеқол жеткізді.

Олимпиадалық резервті дайындауорталығының тәрбиеленушілеріхалықаралық жарыстарда медаль жеңіп алды:    

• Дзюдо: Гүлхан Шыңғысхан-ЕуропаКубогының иегері, ӘселРусланова-Еуропа Кубогының күмісжүлдегері, Інжу Жұмажан-Қазақстанчемпионы, Аниса Ибатолла-Қазақстанчемпионатының күміс жүлдегері, ДанаӘбдірова — жастар арасындағыҚазақстан чемпионы.    

* Бокс: Бекхан Оразбаев, МансурАмантай-кіші жасөспірімдер арасындағыАзия чемпиондары, Жандос Алпысбаев— жасөспірімдер арасындағы Қазақстанчемпионатының қола жүлдегері, АртурЖарбулов-жастар арасындағы Қазақстанчемпионатының күміс жүлдегері.     

* Таеквондо: Бекет Болатұлы-жастар арасындағы Қазақстан чемпионы, "Азиябалалары" халықаралық жарысында 3орын, Әмір Өтемұрат, ЗейнепАзаматқызы, Бағытжанқызы Нұрайлым— Қазақстан чемпиондары.     

* Жүзу: Дарья Чеснокова, ДмитрийСафронов — Қазақстан чемпиондары.    

* Су добы: Қазақстан чемпионатындакомандалық 3 орын.    

* Байдарка мен каноэде есу: ЕвгенийРусаков — Азия және Қазақстанчемпионы.

Спорттағы дарынды балаларға арналғаноблыстық интернаттың спортшыларытаеквондо мен дзюдоданчемпионаттарда, халықаралық жәнереспубликалық турнирлерде жүлделіорындарға ие болды. Таеквондо, бокс,еркін күрес және дзюдодан "ҚазақстанРеспубликасы спорт министрінің кубогы"жарысында команда 10-шыжалпыкомандалық орынға ие болды.Таеквондистер: Парасат Болат, ЗинеденТабисов, Дастан Қадырғали, МәдиЖайберген, Бекжан Бақытжанұлы —чемпиондар мен жүлдегерлер,республикалық және халықаралықтурнирлердің жетістіктерін ерекше атап өткен жөн. Дзюдодан Асылхан Мәлік,Марғұлан Жұмабай, Әлихан Пауеден,Темірлан Сұңғатов, ал еркін күрестенЖанарыс Орбисин және басқаларерекшеленді. Жұмыс істеп тұрған спортмектептері аясында Атырау облысындаүстел теннисі, шахмат және қазақ күресібойынша бөлімшелер ашылды. Ұлттық спорт түрлерін одан әрі дамыту жәнежетілдіру үшін "Ұлттық спорт түрлерібойынша клуб" коммуналдық мемлекеттікмекемесі құрылды. 

Спорт кешендерінің құрылысы

Бүгінгі таңда Атырау облысында 783спорт нысаны жұмыс істейді. Халықтыспортпен шұғылдануға тарту үшінауылдық елді мекендерде спорткешендері мен спорт алаңдары салынуда.Ауылдық округтерде спортнұсқаушыларының штаттық бірліктеріенгізілді. Сондай-ақ, спорт мектептеріндеолимпиадалық спорт түрлері бойынша секциялар ашылады.  Биыл АтыраудаХипоселокта, Ақсайда, Тасшағылда,Жасқайратта, Мақат кентінде спорткешендері пайдалануға берілді. Бес спортнысанының құрылысы аяқталуда: Исатайауданында Х. Ерғалиева ауылында,Атырауда Дамба және Жаңаталапауылдарында, Құрманғазы ауданындаНұржау ауылында және Жылыойауданында Құлсары қаласында.

Бұдан басқа, қазіргі уақытта Құрманғазыауданында Сафон, Сүйіндік, Жұмекен,Көптоғай ауылдарында, Қызылғоғаауданында Қарабау, Қоныстану, Сағызауылдарында, Исатай ауылында,Махамбет ауданында Таңдай ауылындажәне Мақат ауданында Байгетөбе ауылында он жаңа спорт кешенініңқұрылысы жүргізілуде. Бұл нысандардыңқұрылысы 2025 жылы аяқталады деп жоспарлануда. Бұл шаралар өңірдіңспорттық инфрақұрылымын дамытуғажәне халықтың физикалық денсаулығынжақсартуға және салауатты өмір салтын насихаттауға ықпал ететін бұқаралықспорт үшін жағдай жасауға бағытталған.

Облыста спорттық инфрақұрылымменқамтамасыз етудің жалпы көрсеткіші1000 адамға шаққанда 62% құрайды.Өткен жылы спортпен үнеміайналысатын азаматтарды қамту 44%құрады. Өткен жылмен салыстырғандакөрсеткіш 3,8%-ға немесе 31 мың 632адамға артты. Биыл спортты дамытуға 22210,0 мың теңге бөлінді. Барлық бөлінгенқаражат игеру сатысында. Алайдакөктемгі су тасқынына байланысты кейбіріс-шаралар өткізілмеді. Пайдаланылмағанқаражат бюджетке қайтарылды.

Аружан Ажимкулова

Аударған Амандық Сағынтайұлы

Фото: автор және ӨКҚ

Аудандық «Кең Жылыой» мәдениет үйінде өткен «Спорт үздігі-2024» атты кеш аты айтып тұрғандай осы саланың үздіктерін жария етті. Салтанатты сәтте сахна төріне көтерілген аудан әкімінің орынбасары Гүлнафис Айшуақова, алдымен, барша спорт саласының майталмандарын мерекемен құттықтап, ақжарма ақ тілегін ақтарды. Спорттық дүбірлі додаларда аудан, облыс, қала берді ел намысын қорғап, қоржынды алтын алқа мен түрлі медальдарға толтырған спортшыларды марапаттады.

Алғашқы «Үздік спорттық ауыл» номинациясын Майкөмген ауылындағы №5 балалар және жасөспірімдер спорт мектебі жеңіп алды. Қазіргі таңда онда 244 бала спортпен шұғылданады. Жыл басынан бері ондағы жасөспірімдер мен жастар республикалық, облыстық жарыстардан 28 алтын, 20 күміс, 35 қола жүлдені иеленген. Ал «Жылдың үздік ауыл спортшысы» атағына Бексұлтан Мыңтұрған ие болды. №2 Аққиізтоғай ауылдық балалар спорт мектебінде бокспен шұғылданатын жас өрен биыл жасөспірімдер арасындағы Х республикалық ашық турнирден 3-орын, облыстық турнирден 3-орынды жеңіп алып, 2024 жылы «Спорт шеберлігіне үміткер» атағын иеленген.

«Жылдың үздік ауыл жаттықтырушысы» номинациясымен де осы ауылдың балалар спорт мектебінің бокс секциясының жаттықтырушысы Нұрсұлтан Наурызбаев марапатталды. Шәкірттері аудандық, облыстық, республикалық жарыстарда жүлделі орындарды иеленіп жүр. Келесі номинация - «Жылдың үздік ұлттық спорт түрі». Бұл жүлдеге соңғы кезде аудан абыройын асқақтатып жүрген «Жылыой садақ ату» клубы лайықты деп танылды. Ұлттық құндылықты дәріптейтін клуб 2023 жылдан бері ауданда жұмыс жасап келеді. Қазіргі уақытта онда 17 адам садақ атумен тұрақты түрде айналысады. Биыл Алматы қаласында өткен дәстүрлі садақ атудан ересектер және жастар арасындағы ҚР чемпионатында, сонымен қатар дәстүрлі батыс аймақтық садақ ату турнирінде жүлделі орындарды қанжығасына байлаған.

«Жылдың үздік командасы» номинациясымен №3 балалар және жасөспірімдер спорт мектебінің футбол командасы ұлығыланса, «Үздік спорт саласындағы маман» атағын №1 аудандық балалар-жасөспірімдер спорт мектебі директорының оқу ісі жөніндегі орынбасары Факизат Қаспаева иеленді. Ал «Жылдың үздік жасөспірім спортшысы» атағын Гүлхан Шыңғысхан жеңіп алды. Ол №1 аудандық балалар-жасөспірімдер спорт мектебінің тәрбиеленушісі, дзюдодан өткен дүниежүзілік дүбірлі додаларда топ жарып жүрген болашақ чемпион қызымыз. 2024 жылы Алматы қаласында дзюдо күресінен жасөспірімдер арасында өткен Азия кубогінде күміс жүлде иеленіп, Перу мемлекетінде өтетін Әлем чемпионатына жолдама алған. 2024 жылы Греция мемлекеті, Салоники қаласындағы жарыста ауданнан тұңғыш Европа кубогінің жеңімпазы атанған.

Олимпиадалық спорт түрінен «Жылдың үздік жаттықтырушысы» номинациясын №1 аудандық балалар-жасөспірімдер спорт мектебіндегі дзюдо бөлімінің мұғалім-жаттықтырушысы Жаңылсын Абайқызы иеленді. Оның шәкірттері әлемдік деңгейде ел намысын абыроймен қорғап жүр. Осы жылы тәрбиеленушілері Шынар Бітімбай мен Гүлхан Шыңғысхан жыл бойына жоғары нәтиже көрсеткен. Олимпиадалық емес спорт түрінен Жылыой кәсіпқой жауынгерлік клубының президенті және жаттықтырушы Талғат Жұмағалиев та «Жылдың үздік жаттықтырушысы» атағын иеленді. Келесі номинация – «Жылдың үздік параспортшысы», оны Рысгүл Орысбаева жеңіп алды. Ол 2024 жылы Алматы қаласында өткен Пара жеңіл атлетикадан тірек-қимыл аппараты және көру органдары зақымданған жастар арасындағы ҚР чемпионатында ядро итеруден 1-орын иеленген.

Сонымен қатар, тағы бір «Жылдың үздік параспортшысы» атағымен Ақмөлдір Тлеуқұлова ұлығыланды. Ақмөлдір 2024 жылы Қарағанды қаласында өткен ҚР чемпионатында үстел теннисінен жеке ойын көрсетуден 2-орын, жұп болып шығудан 3-орын иеленген. Олимпиадалық спорт түрінен «Жылдың үздік спортшысы» атағын Абыл Кенжебек иеленді. Ол №1 аудандық балалар-жасөспірімдер спорт мектебінде таэквондодан жаттығуда. ҚР Жастар құрамасының мүшесі. Биыл халықаралық турнирлерде қола жүлде, ҚР чемпионатында жастар арасында күміс жүлдеге ие болған.

Ал олимпиадалық емес спорт түрінен «Жылдың үздік спортшысы» номинациясымен Нұршат Ауелбаев марапатталды. Ол ұлттық жекпе-жектен спорт шебері, джиу джитсудан спорт шебері және қоңыр белбеу иегері. Былтыр Нұршат Алматы қаласында өткен комбат джиу джитсудан ҚР чемпионатының чемпионы атанып, Ресейдегі әлем чемпионатында, Ташкент қаласындағы Азия чемпионатында, Қостанай қаласындағы Қазақстан чемпионатында күміс жүлделерді жеңіп алған.

Сонымен қатар, үздіктер кешінде «Жылдың үздік спорт директоры» номинациясының иегері де белгілі болды. Оны №1 аудандық балалар-жасөспірімдер спорт мектебінің директоры Мұрат Жарылғасов иеленді. Марапат иесі былтыр Қазақстан Республикасы Туризм және спорт министрінің «Дене шынықтыру мен спортты дамытуға сіңірген еңбегі үшін» төсбелгісімен марапатталған және көктемгі Құлсары қаласында орын алған төтенше жағдай кезінде жұртшылықты бөгет салуға жұмылдырып, гуманитарлық көмек көрсеткені үшін ҚР Президентінің қолынан «Ерен еңбегі үшін» медалін алып, наградталды.

-Жалпы аудан көлемінде жүйелі дене шынықтыру және спортпен шұғылданушылары саны биыл 21453 адамды құрап, халық санына шаққанда 24,6 пайызға жетіп отыр. Ауданда 7 балалар-жасөспірімдер спорт мектебі, Орталық стадион, «Жігер» және «Сүлеймен» жеке спорт кешені бар. Спорт мектептерінде спорттың 15 түрінен секциялар жұмыс жасайды. Онда 3180 жасөспірім спортпен шұғылданады. Аудандық білім бөлімі жанында «Балалар-жасөспірімдердің дене шынықтыру даярлығы клубы» қызмет көрсетеді. Клубтағы 8 үйірмеге 730 оқушы қатысады. Жыл басынан бері аудандық мәдениет, тілдерді дамыту, дене шынықтыру және спорт бөлімінің қолдауымен облыстық, халықаралық, республикалық жарыстардан ересек спортшылар 30 медальға ие болды. Балалар-жасөспірімдер спорт мектебінің спортшыларының өзі аудан қоржынына 957 медаль салып, 4 спортшы – «Қазақстан спорт шебері», 13 спортшы «Спорт шеберлігіне үміткер» атағына ие болды, - дейді аудандық мәдениет, тілдерді дамыту, дене шынықтыру және спорт бөлімінің басшысы Әлібек Науаров.

- Сонымен қатар мүгедек жандар арасында да спортпен шұғылданушылар саны жыл сайын артып келеді. Аудандағы мүмкіндігі шектеулі жандар орталығында Атырау облысы мүгедектер қоғамы қоғамдық бірлестігінің аудандық филиалы төрағасы Амангелді Мыңжасаровтың жетекшілігімен 32 ерекше жан спортпен шұғылданады. Биыл аудан мүгедектерінің құрамасы облыстық іріктеу жарысында 29 медаль еншілесе, Қазақстан чемпионатында 4 алтын, 1 күміс және 1 қола медаль олжалап қайтты. Үздік спортшылар кешінде годзю-рю, каратэ-додан Сүлеймен спорт мектебінің ұстазы мен шәкірттері көпжылдық тәжірибелерін көрсету мақсатында сахнаға шықты. Бапкер, ІІІ дәрежелі қара белбеу иегері Қуаныш Жалжанов мықты спортшыларды дайындап жатқандығын көрсетті. Сондай-ақ «Би-Би» үлгілі би ансамблі мың бұрала би билесе, аудан өнерпаздары мен елімізге танымал эстрада жұлдыздары әннен шашу шашты.

П.ТҮРКЕНБАЙҚЫЗЫ

Қазақстанның еңбек сіңірген спорт шебері Әбиба Әбужақыновадзюдошылардың әлемдік рейтингініңтоп-10-на кіріп, 48 келіге дейінгісанатта екінші орынды иеленді. Оныңжетістіктері бүкіл елдегіспортшыларды шабыттандырады, депхабарлайды Аtyrau Рress тілшісі.

ҚР еңбек сіңірген спорт шебері және 3-шідана (IJF) иегері әбиба Әбужақынова Қазақстанның ең атақтыспортшыларының біріне айналды. Ол1997 жылы 4 шілдеде Атырауда дүниегекелген және Әл-Фараби атындағы Қазақұлттық университетін "Денетәрбиесі"мамандығы бойынша бітірген.2019 жылдан бастап Әбиба Атырауоблысының атынан жаттықтырушыМиржан Есмағанбетовтың жетекшілігіменжоғары спорт шеберлігі мектебініңқұрамында өнер көрсетеді. Абибадзюдодан әлем чемпионатының медалінжеңіп алған алғашқы қазақстандық әйел болды. 2022 жылы Ташкенттегі турнирдеол қола жүлдеге ие болды, ал екі жылданкейін Абу-Дабидегі әлем чемпионатыныңқола жүлдегері атанып, өзінің шеберлігінрастады.

Оның спорттық жолы үлкен жеңістергетолы:

• 2021 жыл — Бішкекте өткен Азиячемпионатындағы күміс медаль; ЕуропаКубогының күміс медалі, ҚРчемпионатының жеңімпазы

* 2022 жыл-Ұлан-Батордағы Гранд Слам турнирінде және Абу-Дабиде қола, Азиячемпионатының күмісі; Абу-ДабидегіГранд Слам Халықаралық турниріндеқола; ересектер арасындағы әлемчемпионатының қола жүлдегері

* 2023 жыл-Португалиядағы Grand SlamInternational турнирінде жеңіс жәнеПариждегі турнирде қола;

* 2024 жыл-Абу-Дабидегі әлемчемпионатында қола және ПариждегіОлимпиада ойындарында бесінші орын.

"Мен Абибаны 6 жылдан беріжаттықтырып келемін. Өкінішкеорай, біздің мақсатымыз Олимпиадаалтынын алу болған Парижде біз 5-ші орынға ие болдық. Алайда, бұлжаңа кезеңнің басы ғана. Біздіңболашақ жоспарларымыз өршіл:әлем чемпионы атану және 2028жылы Лос-Анджелестегі Олимпиадаойындарында табысты өнеркөрсету", — деп атап өтті дзюдошының жаттықтырушысыМиржан Есмағанбетов.

Әбужақынова маусымды 48 келіге дейінгісалмақ дәрежесінде әлемдік рейтингтіңекінші қатарында аяқтап, қазақстандықдзюдошылар арасында көшбасшыатанды.

Айта кету керек, биыл оған ҚР спорт шебері атағы берілді. Бұл оның қажырлыеңбегінің, табандылығының және өз ісінедеген сүйіспеншілігінің нәтижесі. Абибатек талантты спортшы ғана емес, сонымен қатар табандылық пенеңбекқорлықтың сәттіліктің шыңынақалай жетелейтінінің мысалы. 

Аружан Әжімқұлова

Аударған: Амандық Сағынтайұлы