Атырау аймағында синтетикалық есірткі таралуының алдын алу мақсатында  «StopSyntheticAtyrauBot» атты telegram бот іске қосылды. Онда ең бастысы – хабарлама жолдаған тұрғынның жеке дерегі құпия түрде сақталады.

Тelegram бот-қа атыраулықтар есірткі граффитилері заңсыз ілінген орынның мекен-жайы немесе орналасқан нүктесі туралы ақпарат жібере алады. Жолданған хабарлама  құқық қорғау органдарына жіберіліп, жарнамалар дереу жойылады. Сондай-ақ, тұрғындар есірткімен байланысты  қылмыстар мен оны тасымалдаушы азаматтар, құрамында есірткі бар заттарды сататын заңсыз интернет-дүкендерге де сілтемелер жібере алады. Telegram бот анонимді. Сондықтан, жіберушімен кері байланыс болмайды. Сол себепті ботқа ақпарат жібергенде қойылатын басты шарт – құқық бұзушылықтың фото немесе бейнежазбасы бар файлды тіркеу міндеттеледі.  Бот мекенжайы: http://t.me/StopSyntheticAtyrauBot Бұл жоба облыстық ішкі саясат басқармасының бастамасымен жүзеге асырылды.

Е.Бисекенұлы