Қосылмай қалған қосымша ақы

Аудандық прокуратура мүмкіндігі шектеулі балаларға арнайы қызметін көрсететін білім беру ұйымдарына 2017-2018 жылдарға арналған тексеру жұмыстарын жүргізді.

Дене бітімінің, ақыл-ойының даму мүмкіндігі шектеулі балалармен жұмыс жасағаны үшін мұғалімдерге базалық лауазымдық еңбекақының 40 пайызы көлемінде қосымша ақы төленуі тиіс-ті. Бірақ тексеру кезінде оқу орны басшылары жалақыны тарифтеу аясында оқытушыға тиесілі төлемді аудармаған. Сөйтіп, заңнама нормаларының сақталмағандығы анықталды. Заңсыздықты қалпына келтіру үшін аудан прокуратурасы прокурорлық қадағалау актісін енгізді. Нәтижесінде барлық мектептердің бюджеті қайта қаралып, мұғалімдердің қосымша төлемақысы есептелді.

Осылайша аудандағы 427 педагогтың конституциялық құқығы қорғалып, 7 403 000 теңге толықтай төленді. Қызметінде жіберген кемшілігі үшін 9 мектеп қызметкері тәртіптік жауапкершілікке тартылды.

Аңсат Омаров,

аудандық прокуратураның прокуроры

COVID 19

covid

Күнтізбе