Өткен аптада Атырау қаласында балалар және кадеттер арасында Атырау облысының іріктеу біріншілігі өтті. Облыстық біріншілікке Атырау қаласы бойынша спорт мектептері, спорт клубтары және Жылыой, Құрманғазы, Исатай аудандарынан 100- ден астам спортшы қатысты.

Біріншілікте Құлсары қаласындағы N1 аудандық балалар-жасөспірімдер спорт мектебін таэквондо бөлімінің спортшылары да бақ сынасып, жалпы командалық есепте II-ші орынға ие болды. Олар келер 2024 жылы өтетін Қазақстан Республикасының чемпионатына жолдама алды.

Біріншілікте жүлделі 1-орынды жеңіп алған Д.Рахым, К.Майлаш, Б.Нариманұлы секілді палуандар команда көшін алға сүйреді. Олардан 3-орынды ие болған М.Қанатұлы, Ә.Әлібекұлы, Б. Нариманұлы мен Р.Аманжандар да қалыс қалған жоқ. Сондай-ақ, кадеттер арасында Ж.Саламатқызы, Ә.Амандықов, Е.Марат, М.Сақташ, Р.Байдолла, С.Батырхандар да 1-орынды қанжығаға байлап, жеңістің биік тұғырынан көрінді.

Ш. Хамитова