ken-zhyloi.kz
Жылыойлық ерекше жандар облыстық чемпионаттан жүлделі орындарға ие болды.
Атырау облыстық спорт басқармасы мен "Мүгедектердің спорттық клубы" мекемелерінің ұйымдастыруымен наурыздың 11-12 күндері үстел теннисінен тірек-қимыл аппараты зақымданған (ТҚАЗ) жас спортшылар арасында облыстық іріктеу чемпионаты өтті.
Жылыой ауданының спортшылары жеке сайыстан Жұмаш Ақселеу 3-орын, Рысгүл Орынбасарқызы 3-орын, Ақмөлдір Жарқынқызы 3-орынға ие болды. Топтық жарыста Ақмөлдір 2-орынға ие болды. Жылыой ауданының мүмкіндігі шектеулі жандары арасында күні бүгінде 1 спорт шебері және 3 спорт шеберлігіне үміткер бар.
Жылыой ауданы мәдениет, тілдерді дамыту,
дене шынықтыру және спорт бөлімі