ken-zhyloi.kz
Биыл ел Тәуелсіздігінің 30 жылдығына орай республика бойынша түрлі деңгейде спорттық шаралар ұйымдастырылуда.
Жылыой ауданы әкімінің атаулы мерекеге орай бекітілген іс-шара жоспарына сәйкес ауданда ұлттық спорт түрлерінен жарыстар басталды.
23 ақпан күні ауданның палуандары Қара арна ауылдық округіндегі № 3 Жылыой аудандық балалар-жасөспірімдер спорт мектебінде боз кілемде белдесіп, өзара мықтыларын анықтаған болатын. Өңірдегі эпидемиологиялық ахуалға байланысты көрерменсіз өткен чемпионатқа 30-ға тарта ауданның палуандары жиналды.
70 келі салмақ дәрежесіне дейін
I орын Табылды Қайсар,
II орын Әбділдиев Асылбек,
III орын Қабиев Нұрәділ ие болды.
+70 келі салмақ дәрежесінде
I орын Қалаубаев Нұрболат,
II орын Сағынғалиев Шынарбек,
III орын Рысжанов Әсембек ие болды.
Тәуелсіздігіміздің 30 жылдығына орай ұйымдастырылып жатырған спорттық шаралар бойынша, тоғызқұмалақтан 2005-2010 жылғы жасөспірімдер арасында аудандық онлайн турнир басталған болатын.
Естеріңізге сала кетсек, 25 ақпан күні № 4 Жылыой аудандық балалар-жасөспірімдер спорт мектебінде асық ату, 26 ақпан күні № 2 Жылыой аудандық балалар-жасөспірімдер спорт мектебінде қол күресі (армрестлинг) спортынан аудандық турнир ұйымдастырылатын болады.