Жылыой ауданының 90-жылдығына орай "Спорт-денсаулық кепілі" ұранымен "Жастар ресурстық орталығы" және "Жас Отан" Жастар қанаты 14-25 жас арасындағы жастар арасында "Веложарыс" ұйымдастырды.

Сайысқа қатысушылар "Көктем" мейрамханасынан бастап, мәре "Хан-Шах" мейрамханасына дейінгі межеге дейін жүріп өтті. Сондай-ақ, шараға аудандық жедел жәрдем орталығы мен жергілікті полиция қызметі қатысушылар үшін жолдағы қауіпсіздікті қадағалады. Мәре сызығына бірінші болып келгендерді жастар ресурстық орталығы басшысы М.Қабиденов марапаттады.

Жарыс қорытындысы бойынша I орынды Жылыой мұнай газ технологиялық колледжінің студенті Мирас Укапов, II орынды аталмыш колледждің студенті Нұрлан Жолтаев, III орынды Қара-Арна ауылдық округі тұрғыны Қалиахмет Рамазан жеңіп алды. Мерекеге орай ұйымдастырылып жатқан бұқаралық спортқа атсалысып, белсенді қатысқаны үшін жеңімпаздар мен қатысушыларға орталық атынан медальдар мен бағалы сыйлықтар табыс етілді.

П.ҚИЗАТОВА.