Ханчжоуда (Қытай) Азия пара ойындары өтіп жатыр. Волейболды отырып ойнаудан Қазақстанның ерлер құрамасы ақтық сынға жолдама алды, деп хабарлайды atr.kz тілшісі.
Жартылай финалда Бауыржан Тахауовтың шәкірттері Қытай командасымен алаңға шығып, 5 партияда (25:22, 25:19, 22:25, 16:25, 15:13) есебімен жеңіске жетті.
Финалда Қазақстан мен Иран бас жүлдені сарапқа салады.
Айта кетейік, Астанада өткен Азия чемпионатында Қазақстан құрамасы Қытай командасын дәл осындай есеппен ұтып, Парижде өтетін паралимпиада ойындарына жолдама ұтып алды.
