Білегі мықты қыз-келіншектер

Бұл – бұлшық еті бұлт-бұлт ойнаған білегі мықтылардың сайысы. Мұнда әдеттегі күрестегідей қарсылас палуанды кілемге алып ұрып, жамбасын жерге тигізу деген жоқ. Қарама-қарсы тұрған екі адам сол тұрған күйлерінде қолдарын айқастырып, күш сынасады. Бір қарағанда осы спорт түрін «е, сол да күш сынасу ма екен» деп оңай көретіндер бар. Әйтсе де бұл тіптен де оңай емес.

Міне, осы армрестлингтен таяуда әйелдер арасында сайыс өтті. Облысымыздағы қара алтын өндіріп отырған «Ембімұнайгаз» АҚ-ы спартакиада өткізген болатын. Спорт жарыстарының ішінде осы қол күшін сынасу да бар еді. Айта кетейік, осы отандық компания спортты насихаттаудың нағыз жаршысы боп отыр. Мұнайшылардың жұмысына ғана емес, олардың спортпен шұғылдануына, яғни денсаулығына баса мән беріп отырған «Ембімұнайгаз» АҚ-на риза боласыз.

Армрестлингтен өткен сайысқа Жылыой ауданынан да мұнайшы қыз-келіншектер қатысты. Баяғы Нарқыз палуанның ізбасар сіңлілері бүгінгі заманда да жоғалған жоқ. «Жылоймұнайгаз» басқармасының қызметкерлері 65 кг салмақтағы Майра Аманова мен сол салмақтағы Қарашаш Өмірзақова білек күштерінің мықты екенін танытып, жүлделі 1-орынға ие болды. Осылайша олар барша жылыойлықтардың мерейін өсіріп, арулардың керек кезде нәзіктікпен қатар күшті әрі қайратты бола алатынын тағы бір дәлелдеді.

С.Тәжіқызы

podpiska_kaz

COVID 19

covid

Тәуелсіздікке 30 жыл

tuelszdkke-30-zhyl

logo1

Меншік иесі: «Атырау-Ақпарат» ЖШС

Газет Қазақстан Республикасының Ақпарат және коммуникациялар министрлiгiнде 2018 жылы 16 мамыр күні тiркеліп, тіркеу туралы №17099-Г куәлiгi берiлген

Редакция мекенжайы: Құлсары қаласы, Исатай Тайманов көшесі, 4 үй.

Тел: 5-16-83, 5-07-66, 30-51-06, 30-51-05.

 

Яндекс.Метрика