Ауылдағы футбол

Ақкиізтоғай ауылындағы №2 балалар мен жасөспірімдер спорт мектебінде «Салауатты өмір – жарқын болашақ» ұранымен 2007-2009 жылы туылған жасөспірімдер арасында кіші аяқдоптан аудандық жарыс болып өтті.

Оны мектеп директоры А.Қарасаев ашып, барлық командаға сәттілік тіледі. Оған аудандағы төрт спорт мектебінен 10 команда қатысты. Доп десе, делебесі қозатын жасөспірімдер футбол алаңында жақсы ойын өрнегін көрсете білді. Бірақ ойынның аты – ойын! Жеңімпазды биік тұғыр, жеңілгенді жер көтереді. Төрешілердің саралауымен үздік шыққан командалар да анықталды. Жүлделі І орынды №4 балалар мен жасөспірімдер спорт мектебінің командасы жеңіп алса, ІІ орынды №2 спорт мектебінің футболшылары иеленді. Ал «Құлсары» командасы ІІІ орынды місе тұтты.

Жеңіске жеткен командаларға диплом, медаль мен арнайы кубоктар табыс етілді. «Үздік ойыншы», «Үздік қақпашы», «Үздік қорғаушы», «Үздік шабуылшы» ретінде көзге түскен жекелеген спортшылар Бағдат Толағай, Аяпберген Шерхан, Алмаз Қайратұлы, Арсен Амандықтар да марапатсыз қалған жоқ.

Жас спортшылардың құрметіне жас әншілер Б.Озғанбай «Жаса, Қазақстан!» әнін асқақтатса, А.Матжан «Тойбастар» күйін шертті.

Е.Бисекенұлы

podpiska_kaz

COVID 19

covid

Тәуелсіздікке 30 жыл

tuelszdkke-30-zhyl

logo1

Меншік иесі: «Атырау-Ақпарат» ЖШС

Газет Қазақстан Республикасының Ақпарат және коммуникациялар министрлiгiнде 2018 жылы 16 мамыр күні тiркеліп, тіркеу туралы №17099-Г куәлiгi берiлген

Редакция мекенжайы: Құлсары қаласы, Исатай Тайманов көшесі, 4 үй.

Тел: 5-16-83, 5-07-66, 30-51-06, 30-51-05.

 

Яндекс.Метрика