Конституциялық реформа – мемлекетімізді одан әрі демократияландыру жолындағы маңызды тарихи кезең. Бұл реформалар саяси-әлеуметтік дамуға, экономикалық жаңару мен жаңғыруға үлкен серпін береді.
Еліміздің саяси-құқықтық өзгерістердің нәтижелі болуын қамтамасыз етуге, қоғамдық және мемлекеттік құрылыстың жаңа тежемелік әрі тепе-теңдік жүйесінің қалыптасуына ықпал ететін конституциялық реформалардың маңызы зор.
Бүгін, «AMANAT» партиясының Жылыой аудандық филиалы жанынан құрылған арнайы штабтың мүшесі Құспан Дастан Иван аудандағы "Askar-Training" оқу орталығы саласының қызметкерлерімен конституциялық реформаны түсіндіру мақсатында кездесу өткізіп, түсіндірме жұмыстарын жүргізді.
Кездесуде ұжымға 5 маусымда өтетін Қазақстан Республикасының Конституциясына өзгерістер мен толықтырулар енгізу туралы референдум бойынша түсіндіру жұмыстары және өзгеріс енгізілетін бағыттары туралы түсіндіріліп, алдағы референдумға белсенді қатынасуға шақырды.