Жылыой ауданындағы Жаңа Қаратон кенті тұрғындары жалпыхалықтық референдумға белсене қатысуда. Кент әкімі Сансызбай Баймұратов та өз таңдауын жасады.
-Бүгін өзгеріс пен жаңашылдыққа нақты қадам жасаған кең байтақ еліміздің азаматтарымен бірге Жаңа Қаратон кенті тұрғындары референдум учаскелеріне зор ынтамен келуде. Мен де 103-ші учаскеге барып, өз дауысымды бердім. Конституцияға енгізілетін өзгерістерді халықтың дауыс беруі арқылы шешу - мемлекетіміздің жаңашылдыққа, демократияға деген ұмтылысын көрсетеді. Ел тарихындағы елеулі оқиғаға бей-жай қарамау - өзіміздің ғана емес, келер ұрпақтың да болашығы үшін жасалған маңызды қадам деп білемін,- дейді ол.
