Халықтың жанайқайына құлақ түрген Жолдау

Президент Қасым-Жомарт Тоқаевтың Қазақстан халқына арнаған Жолдауынан мен мына нәрселерді аңғардым.

Президент Қасым-Жомарт Тоқаевтың Қазақстан халқына арнаған Жолдауынан мен мына нәрселерді аңғардым. Бұл Жолдау - алдын ала халықтың дәл қазіргі уақыттағы ең көкейтесті проблемаларын, талап-тілегі мен жанайқайын жан-жақты зерттеп барып мұқият жазылған Жолдау.

Ол үшін халықпен қазіргі ең бірінші орында тұрған қатынас құралы - ғаламтордағы әлеуметтік желі де ұтымды пайдаланылды деп ойлаймын. Президент Қасым-Жомарт Кемелұлының бұдан бұрында барлық мемлекеттік қызметкерлерге әлеуметтік желі арқылы үнемі «халықпен тілдесуге» тапсырма бергені бекер емес. Осы Жолдауында да «...азаматтардың барлық сындарлы өтініш-тілектерін жедел әрі тиімді қарастыратын «Халық үніне құлақ асатын мемлекет» тұжырымдамасын іске асыру – бәрімізге ортақ міндет» дей келіп, «Осы мақсатпен біз белгілі қоғам өкілдерін қамтитын Ұлттық қоғамдық сенім кеңесін құрдық. Бұл кеңес ротациялық тәртіппен жұмыс істейді» деп айтты.

Жолдаудағы осы айтылғандарды оқып, риза болдым. Құрылғанына көп болмаған Қоғамдық кеңес құрамы халықтың ортасынан олардың мұң-мұқтажын өте жақсы білетін жандардан таңдап алынғанын білеміз. Сондықтан «Көп жағдайда азаматтарымыз орталық және жергілікті органдар басшыларының құлықсыздығы мен «бейқамдығына» байланысты Президентке жүгінуге мәжбүр болады» деп Қасым-Жомарт Тоқаевтың Жолдауда өзі айтқандай «Халық үніне құлақ асатын мемлекет» тұжырымдамасы жүзе асатынына сенемін . Бір сөзбен айтқанда, бұл Жолдау – халықтың жанайқайына құлақ түрген Жолдау.

Бисенбай Құлбаев,

мұнайшы

ФОТОГАЛЕРЕЯ

Біріңғай мемлекеттік байланыс

AqPrint

Байланыс номерi :     +7 702 132 03 32      +77122458521