Облыстың банк секторы
2025 жылғы 1 шілдедегі жағдай бойынша облыс аумағында екінші деңгейдегі банктердің (бұдан әрі – ЕДБ) 14 филиалы, 43 бөлімшесі, 59 айырбастау пункті жұмыс істеді.
Облыстың несие нарығы
2025 жылғы қаңтар-маусымда облыстың ЕДБ филиалдарымен 509,9 млрд теңге сомасына несие берілді, бұл 2024 жылғы сәйкес кезеңге қарағанда 18,8 %-ға көп. Заңды тұлғаларға несие беру 7,5%-ға 133,7 млрд теңгеге дейін көбейді, ал жеке тұлғаларға 23,4%-ға 376,2 млрд теңгеге дейін.
2025 жылғы қаңтар-маусымда азаматтарға тұтыну мақсаттарына 283,0 млрд теңге берілді, бұл 2024 жылғы көрсеткіштен 23,2%-ға жоғары.
2025 жылғы 1 шілдеде облыстағы банк филиалдарымен берілген несиелер бойынша берешектер 971,9 млрд теңгені құрады, 2024 жылғы 1 шілдемен салыстырғанда 18,1%-ға өскен. Жеке тұлғалардың берешектері 2024 жылдың сәйкес кезеңімен салыстырғанда 19,7%-ға көбейді және 826,6 млрд теңгені құрады, заңды тұлғалардікі – 9,7%-ға және 145,4 млрд теңге.
2025 жылғы 1 шілдеде тұрғындарға тұтыну мақсаттарына берген несиелер бойынша берешектер 542,0 млрд теңгені құрады, 2024 жылдың сәйкес көрсеткішімен салыстырғанда 26,6%-ға өсті. Осы орайда жеке тұлғаларды несиелендірудің жалпы көлемінде тұтыну несиелерінің үлес салмағы 65,6%-ды құрайды. 2025 жылғы 1 шілдеде несиелер бойынша мерзімі өткен берешектер көлемі 46,6 млрд теңгені құрады немесе ЕДБ филиалдарының несие портфелінің 4,8%.
Облыстың депозит нарығы
2025 жылғы 1 шілдеде ЕДБ филиалдарындағы салымдар 2024 жылғы 1 шілдемен салыстырғанда 12,3%-ға көбейді және 834,6 млрд теңгеге жетті. Жеке тұлғалардың депозиттері 15,9%-ға өсті, заңды тұлғалардікі – 4,4%-ға. 2025 жылғы 1 шілдеде ұлттық валютадағы салымдардың үлесі 2024 жылдың сәйкес кезеңімен салыстырғанда 74,5%-дан 76,7%-ға өсті, ал шетел валютасымен – 25,5%-дан 23,3%-ға кеміді.
Облыстың валюта нарығы
2025 жылғы 1 шілдедегі жағдай бойынша қолма-қол шетел валютасымен айырбастау операцияларын облыстың 84 айырбастау пункті жүзеге асырды, олардың 59 – уәкілетті банктердікі, 12 – «Қазпошта» АҚ филиалынікі және 13 – уәкілетті ұйымдардікі.
2025 жылғы қаңтар-шілдеде облыстың айырбастау пункттерімен халықтан 33,4 млн АҚШ доллары сатып алынды, бұл 2024 жылдың көрсеткішінен 5,6%-ға төмен. Сонымен қатар 1,9 млн еуро (12,1%-ға азайды), 952,3 млн ресей рублі (1,2 %-ға кеміді) сатып алынды.
Облыстың айырбастау пункттерімен 2025 жылғы қаңтар-шілдеде халыққа 114,8 млн АҚШ доллары сатылды, 2024 жылмен салыстырғанда 28,9%-ға кеміген. Бұдан басқа халыққа 5,5 млн еуро (19,4% азайды), 1 005,1 млн ресей рублі (11,6%-ға кеміді) сатылды.
Төлем карточкаларын пайдалану. 2025 жылғы 1 шілдеде айналымдағы төлем карточкаларының саны облыс бойынша 2 865,6 мың бірлікті құрады. Облыста 609 банкомат, 49 903 POS-терминал жұмыс жасайды. 2025 жылғы қаңтар-шілдеде төлем карточкаларын пайдалану арқылы қолма-қол ақшасыз төлемдер бойынша 2 163,5 млрд теңге сомасына (2024 жылмен салыстырғанда 16,1%-ға өсті) 207,2 млн транзакция (өсім 13,1%) жасалды.
2025 жылғы қаңтар-шілдеде карточкалық шоттан қолма-қол ақша алу бойынша 382,6 млрд теңге сомасына (2024 жылмен салыстырғанда 0,3%-ға кеміді) 3,8 млн транзакция (4,2%-ға кеміді) жасалды.
«ҚР Ұлттық Банкі» РММ Атырау филиалы
