Кейде көлік пен логистикаға тек жол, теміржол немесе жүк тасымалы ретінде қараймыз. Бірақ шын мәнінде, бұл сала – мемлекеттің «қан айналымы».
Жолдар – тамыр, ал тасымал – ел экономикасының жүрегіне жететін қан іспетті. Президент Жолдауында айтылған көлік-логистика инфрақұрылымын дамыту бастамасы – осы жүйені күшейтудің кепілі.
Қазақстан – Еуразияның кіндігінде орналасқан ел. Біздің географиялық артықшылығымыз – шығыс пен батыс, солтүстік пен оңтүстікті жалғайтын алтын көпір болу. Жаңа дәліздер мен заманауи логистикалық орталықтар ашылса, Қазақстан әлемдік сауда картасында басты ойыншыға айналады.
Көлік-логистика тек тауар емес, идея мен мүмкіндікті де тасымалдайды. Ол ауылдағы өнімді қалаға жеткізеді, кәсіпкердің тауарын шетел нарығына шығарады, жастардың жобасын жаһандық аренаға алып шығады.
Сондықтан көлік пен логистиканы дамыту – тек инфрақұрылым емес, ол елдің экономикалық дербестігі мен болашақтағы беделінің кепілі.
Қала тұрғыны Ерлан Абдығалиев
