Мемлекет басшысының жыл сайынғы Жолдауы – ел дамуындағы маңызды саяси оқиғалардың бірі.
Ол қоғамдағы өзекті мәселелерді көтеріп, мемлекет алдында тұрған міндеттерді айқындайды. Жолдау – тек мемлекеттік органдар үшін ғана емес, әрбір қазақстандық үшін маңызды бағдар, өйткені онда әлеуметтік-экономикалық жағдайды жақсартуға бағытталған нақты жоспарлар мен реформалар ұсынылады.
Соңғы Жолдауда Президент халықтың әл-ауқатын арттыру, білім беру сапасын жақсарту, денсаулық сақтау жүйесін дамыту, агроөнеркәсіп кешенін қолдау және цифрландыруды тереңдету сияқты маңызды салаларға ерекше мән берді. Бұл бастамалар елдің болашағына жауапкершілікпен қараудың айқын көрінісі.
Сонымен қатар, Президент әділетті мемлекет пен жауапты қоғам құру қағидасын тағы да баса айтты. Мемлекеттік басқару жүйесін жаңғырту, жастарды қолдау, өңірлердің дамуын теңестіру мәселелері де кеңінен қозғалды. Бұл – халықтың үніне құлақ асатын мемлекет қағидатының нақты жүзеге асып келе жатқанын білдіреді.
Алайда жолдауда көтерілген әрбір бастаманың табысты болуы – оның орындалуына тікелей байланысты. Халыққа тек уәде емес, нәтиже қажет. Сондықтан Жолдауда айтылған жоспарлардың нақты іске асуын бақылау – қоғам мен билік үшін ортақ міндет.
Қала тұрғыны Сәуле Жолманбет
