«Сыбайлас жемқорлыққа қарсы күрес туралы» заң талабы аясында жемқорлыққа қарсы іс-әрекеттер әр салада жүзеге асырылуда. Онымен күресу үшін халықтың құқықтық сауатсыздығын жойып, құқықты түсіндіру жұмысының деңгейі мен сапасын арттыру керек. Кез келген өркениетті қоғам үшін сыбайлас жемқорлықпен күрес - ең өзекті мәселелердің бірі. Өйткені ол – мемлекетті іштен ірітудің бастамасы, ұлттық қауіпсіздікке қауіп-қатер әкелетіндігі күмәнсіз.
Сыбайлас жемқорлық әрекетіне қарсы тиісті шара қолданудың негізі – азаматтардың арыз-шағымы. Жылыой ауданы бойынша Мемлекеттік кірістер басқармасында сыбайлас жемқорлыққа қарсы бірнеше шара өткізілді. Басқармада жемқорлыққа қарсы баннерлер ілініп, брошюралар таратылды. Бұл бағыттағы жұмыстар алға қарай да жүзеге асырыла береді.
Әсем Бөлебаева,
аудандық Мемлекеттік кірістер басқармасының
салық төлеушілермен жұмыс бөлімінің бас маманы
