Қай қоғамның болсын дамуы ең алдымен заңның үстемдігі мен қоғамдық тәртіптің сақталуына байланысты. Заң жұмыс істемеген жерде әділдік те, қауіпсіздік те, азаматтардың мемлекетке деген сенімі де әлсірейді. Сондықтан заңның талаптарын орындау – тек мемлекеттік органдардың емес, әрбір азаматтың ортақ міндеті. Бүгінгі заманда қоғамдағы қауіпсіздік мәселесі бұрынғыдан да өзекті. Ақпараттық технологиялардың дамуы, әлеуметтік желілердің ықпалы, урбанизацияның күшеюі – барлығы жаңа қауіптер мен жаңа жауапкершілік жүктейді. Мұндай жағдайда құқық қорғау органдарының кәсіби деңгейін арттыру, олардың ашықтығын қамтамасыз ету және халықпен өзара сенімді байланыс орнату ерекше маңызды. Заң үстемдігі дегеніміз – лауазымы мен әлеуметтік жағдайына қарамастан, әркімнің заң алдында тең болуы. Бұл қағида тек қағаз жүзінде емес, нақты іс жүзінде көрініс табуы керек. Әділетсіздікке жол берілсе, қоғамда алауыздық пайда болады, ал заң әділ қолданылса, адамдардың мемлекетке деген құрметі артады. Қоғамдық тәртіпті сақтау – тек полицияның міндеті емес. Тәртіп мәдениеті отбасынан басталады, білім беру жүйесінде бекемделеді, қоғамдық ортада жалғасады. Әр азамат өзінің әрекеті басқа адамдардың құқығына әсер ететінін түсінгенде ғана шынымен қауіпсіз, жауапты қоғам қалыптасады. Сондықтан заң мен тәртіп – қоғам өмірінің ажырамас тірегі. Заңға құрмет – мәдениеттің белгісі, тәртіпті сақтау – жауапкершіліктің өлшемі. Осы екі ұстаным берік орныққан жерде әділдік те, тұрақтылық та, ертеңге деген сенім де болады.
Диана ІЗБАСАРҚЫЗЫ
