Мемлекет басшысының биылғы Жолдауын толық қолдаймын. Бұл құжат — елдің ертеңіне салынған жаңа соқпақ секілді.
Жолдауда көтерілген бастамалар бүгінгі заманның талабына дәл келіп тұр: жасанды интеллектті дамыту, экономиканы әртараптандыру, өңірлердің жауапкершілігін күшейту, инфрақұрылымды жаңарту — бәрі елді жаңа деңгейге көтеруге бағытталған.
Әсіресе цифрландыру мен білім саласына ерекше көңіл бөлінуі көңілге қуат береді. Бүгінгі бала — ертеңгі маман, ал Жолдауда айтылғандай жаңа технологияны мектептен бастап үйрету — болашаққа салынған ең мықты инвестиция.
Жалпы, Жолдау — күрделі кезеңде елді дұрыс бағытқа бағыттайтын маңызды бағдар. Ондағы әр бастама — мемлекеттің бәсекеге қабілетті, қауіпсіз әрі тұрақты болашағына жасалған нақты қадам. Сондықтан мен Жолдауды толық қолдаймын және оның жүзеге асуы еліміздің игілігіне қызмет етеді деп сенемін.
Дильназ Рахимқызы
