Облыстық мәслихат депутаты, «AMANAT» партиясының мүшесі Айтпай Сисенов тыл ардагерлеріне құрмет көрсетті.
Ол ауданымыздағы тыл ардагерлері З.Бердіқұлов, Т.Дунбаевалармен жүздесіп, Жеңіс мерекесімен құттықтады.
- Қиын-қыстау кезеңде сұм соғыстың тауқыметін тартып, жастайынан еңбекке араласқан ардагерлерімізді құрметтеу - біздің міндетіміз. Жеңіс мерекесі құтты болсын! Сіздерге зор денсаулық, балаларыңыз бен немерелеріңізге жарқын болашақ, еліміз бен жерімізге бейбіт өмір тілеймін», - деді Айтпай Фандыбайұлы.
Бұдан соң қарияларға азық-түлік себеті мен құттықтау хатын табыстады. «Жасымызды сыйлап, көңіл бөліп келгендеріңе бек рахмет», - дей келе 90 жасқа таяған ардагерлер облыстық мәслихат депутаты А.Сисеновтың алдағы жұмыстарына сәттілік тіледі.
А.МОЛДАШЕВ
