Қазіргі таңда алкоголь мәселесі бір ғана адамның емес, бүкіл қоғамның өзекті проблемасына айналып отыр. Ішімдікке әуестік алғашында байқалмай басталғанымен, уақыт өте келе денсаулықтың нашарлауына, өкінішке толы жағдайларға және отбасылық келіспеушіліктерге себеп болады.
Кейбір адамдар алкогольді күйзелістен арылудың құралы ретінде қабылдайды. Алайда бұл – уақытша әсер ғана. Шын мәнінде, ішімдік мәселелерді шешпейді, керісінше оларды күрделендіре түседі.
Алкоголь адамның еңбекке деген қабілетін төмендетіп, мінез-құлқына кері әсер етеді әрі қоғам алдындағы жауапкершілігін әлсіретеді. Оның зардабы тек жеке адамға емес, отбасы мүшелеріне, әсіресе балаларға және айналасындағы адамдарға да ауыр тиеді.
Сондықтан әрбір адам өз өміріне жауапкершілікпен қарап, салауатты өмір салтын таңдауы қажет. Спортпен шұғылдану, дұрыс орта қалыптастыру және рухани дамуға мән беру – ішімдіктің алдын алудың тиімді жолдары.
Қорытындылай келе, алкоголь – бақыт пен табысқа бастайтын жол емес. Жарқын болашақ үшін әрқайсымыз саналы әрі дұрыс таңдау жасауымыз қажет.
Айсұлу Габдиева
