Әуе отынын өндіру 10 есеге артты

Осыған дейін, яғни 2016 жылдың қыркүйегінде хош иісті көмірсутектерді өндіру кешені іске қосылғаны белгілі. Күні бүгін Мұнайды терең өңдеу кешенінің құрылысы аяқталды. Наурызда кешеннің басты қондырғысы саналатын каталитикалық крекинг іске қосылды. Соның арқасында жоғары октанды автокөлік бензинінің өндірісі 2 еседен астамға артты.

Зауытты жаңғырту жүзеге асқаннан кейін елімізде алғаш рет базалық мұнай-химия шикізаты - бензол мен параксилол өндірісі ретке келтірілді. Жоғары октанды автобензин өндіру жылына 260 мың тоннадан 600 мың тоннаға дейін ұлғайды. Кеден Одағының Техникалық регламентінің талаптарына сәйкес К4/К5 санатты экологиялық таза дизельдік отынға 100 пайыз қол жеткіздік.

Бұрын Атырау мұнай өңдеу зауыты тек қана «ТС-1» маркалы авиакеросин ғана шығарумен шектелді. Оның сапасы халықаралық талаптарға мүлдем сәйкес келмейтін еді. Биылғы қыркүйектің аяғында жаңадан «РТ» маркалы реактивтік авиаотынның алғашқы легі тұтынушыларға, яғни еліміздің аэропорттарына жол тартты. Әуе кемесіне арналған аталған жанар-жағармай өнімі жоғары сапа көрсеткішіне ие және халықаралық стандартқа толық сәйкес келеді. Ол әскери және азаматтық авиацияда кеңінен қолданылады. Бұл өнім зауыттағы мұнайды терең өңдеу кешені құрылысының аяқталып, толық қолданысқа енгізуінің нәтижесінде жүзеге асты. Жаңа қондырғы әуе отынын өңдеу өндірісін 10 есеге арттыруға қол жеткізді. Нақтырақ айтқанда, 2019 жылы зауыттан 230 мың тоннаға дейін әуе кемесінің «азығы» дайындалатын болады.

Е.Бисекенұлы.

podpiska_kaz

COVID 19

covid

Тәуелсіздікке 30 жыл

tuelszdkke-30-zhyl

logo1

Меншік иесі: «Атырау-Ақпарат» ЖШС

Газет Қазақстан Республикасының Ақпарат және коммуникациялар министрлiгiнде 2018 жылы 16 мамыр күні тiркеліп, тіркеу туралы №17099-Г куәлiгi берiлген

Редакция мекенжайы: Құлсары қаласы, Исатай Тайманов көшесі, 4 үй.

Тел: 5-16-83, 5-07-66, 30-51-06, 30-51-05.

 

Яндекс.Метрика