"Бала дауысы" бесінші маусымы

Іріктеу турының қорытындысы бойынша 17 финалист анықталады

26 наурыз бен 25 сәуір аралығында Ұлттық "Бала дауысы" балалар ән конкурсының бесінші маусымының қашықтықтан іріктеу кезеңі өтеді. Конкурстың ұйымдастырушылары 8-12 жас аралығындағы балаларды еліміздің ең ауқымды музыкалық жобасының қатысушысы болуға шақырады.

Онлайн-іріктеу турына қатысу үшін өтінімді толтырып, кез келген тілде және кез келген жанрда екі-үш ән үзінділері орындалған бейнесін жіберуі қажет. Іріктеу турының қорытындысы бойынша 17 финалист анықталады, олар маусым айының басында Алматы қаласына шақырылатын болады.

"Бала дауысы" - бұл әлеуметтік жоба, оның барлық кезеңдеріне қатысу тегін, ал оның жеңімпаздары мен жүлдегерлері еліміздің музыкалық оқу орындарында білім алуға гранттар мен ертегілер әлемі - Диснейлендке жолдама алады.

Байқаудың ұйымдастырушылары - Әлия Назарбаеваның "Жандану әлемі" Қоры, Қазақстан Республикасының Мәдениет және спорт министрлігі және Қазақстан Республикасының Тұңғыш Президенті-Елбасы Қоры.

Толық ақпаратты Конкурстың ресми www.baladauysy.kz сайтынан біле аласыздар.

Өтінімдер www.notka.kz сайтында 26 наурыздан бастап қабылданады.

ФОТОГАЛЕРЕЯ

Біріңғай мемлекеттік байланыс

AqPrint

Байланыс номерi :     +7 702 132 03 32      +77122458521