Атырауда республикалық ақындар айтысы басталды

Атырауда Абайдың 175 жылдығына арналған "Қалың елім, қазағым!" атты Республикалық ақындар айтысы басталды.

Атырау облысы әкімдігі қолдауымен Қазақстан жазушылар одағы Атырау облыстық филиалы ұйымдастырып отырған жыр додасына еліміздің түкпір-түкпірінен 24 ақын қатысуда.

Шараға арнайы қатысқан Атырау облысы әкімінің  орынбасары Бақытгүл Хаменова жыр жүйріктерін облыс әкімі Махамбет Досмұхамбетовтің атынан құттықтап, ақындарға сәттілік тіледі.

Айтыстың жүргізушілік тізгінін Жүрсін Ерман өз қолына алды. КСРО және Қазақстан Республикасы мемлекеттік сыйлықтарының лауреаты, Қазақстанның Еңбек Ері, театр және кино актері Асанәлі Әшімов бастаған қазылар алқасы екі күнге созылатын додада айтыскер ақындар өнеріне баға бермек.

Айта кетейік, "Қалың елім, қазағым!" республикалық ақындар айтысының финалдық кезеңі ертең Махамбет атындағы академиялық қазақ драма театрында өтеді.

podpiska_kaz

COVID 19

covid

Тәуелсіздікке 30 жыл

tuelszdkke-30-zhyl

logo1

Меншік иесі: «Атырау-Ақпарат» ЖШС

Газет Қазақстан Республикасының Ақпарат және коммуникациялар министрлiгiнде 2018 жылы 16 мамыр күні тiркеліп, тіркеу туралы №17099-Г куәлiгi берiлген

Редакция мекенжайы: Құлсары қаласы, Исатай Тайманов көшесі, 4 үй.

Тел: 5-16-83, 5-07-66, 30-51-06, 30-51-05.

 

Яндекс.Метрика