banner_damu

Қарашүңгіл жайындағы көрме

Аудандық тарихи-өлкетану музейінде Қарашүңгіл мұнайының 120 жылдығына байланысты «Қарашүңгіл – Қазақстан мұнайының тұңғышы» атты шара өтті. Оған танымал, елге еңбегі сіңген зейнеткер мұнайшылар мен Сафи Өтебаев атындағы Жылыой мұнай және газ технологиялық колледжінің студенттері қатысты.

Музей қорындағы Қарашүңгіл мұнайына және мұнайшыларға қатысты құжаттардан көрме жасақталып, "Жылыойдың ширек ғасыры" атты бейнефильм көрсетілді. Қазақстан Журналистер Одағының мүшесі Нұрдәулет Ақназаров мұнай саласына еңбегі сіңген танымал мұнайшылар өмірінен естелік айтты. Қазақ КСР-іне еңбегі сіңген мұнайшы Рысты Құбаева өзінің өмірінен әңгіме өрбітіп, жас ұрпаққа үлгі-өнегесімен бөлісті.

Бейнебаянда Ақылбек Жеменейдің орындауындағы "Мұнайшылар" әні көпшілікке ұсынылды. Мұнайшы зейнеткер, аудандық Аналар кеңесінің төрайымы Мұстахима Малашқызы болашақ мұнайшылар - студенттерге өз өсиетін айтып, музей ұжымына алғысын білдірді. Сонымен қатар бұл күні белгілі мұнайшы Панар Бекбосынованың орден-медальдары мен құжаттары, бұйымдары музей қорына берілді. Музей қызметкері Қарлығаш Қосбаева келген қонақтарға естелік сый табыс етті.

Қ.Нұртайұлы

ЕЛБАСЫ КІТАПХАНАСЫ

biblioteka-pervogo-prezidenta-kz

Сұрақ Жауап

Ауданда covid-19 жұқтырғандардың көбею себебі неде деп ойлайсыз?

logo1

Меншік иесі: «Атырау-Ақпарат» ЖШС

Газет Қазақстан Республикасының Ақпарат және коммуникациялар министрлiгiнде 2018 жылы 16 мамыр күні тiркеліп, тіркеу туралы №17099-Г куәлiгi берiлген

Редакция мекенжайы: Құлсары қаласы, Исатай Тайманов көшесі, 4 үй.

Тел: 5-16-83, 5-07-66, 30-51-06, 30-51-05.

 

Яндекс.Метрика