«Нұр Отан» партиясының аудандық филиалында «Бизнестің жол картасы-2020» бағдарламасы бойынша азаматтарды бірыңғай қабылдау республикалық акциясы өтті.

Онда аудандық кәсіпкерлер палатасының директоры Ерболат Төлендиев мемлекеттік бағдарлама аясында кәсіп иелері үшін бірқатар маңызды ақпаратпен бөлісті. Ерболат Амангелдіұлы қоғамдық қабылдауға келген барлық азаматтардың сұрақтарына қанағаттанатындай жауап берді. Азаматтардан түскен сұрақтардың бәрі де күнделікті айналысып жүрген кәсіптерінің шеңберін ұлғайту және жаңадан кәсіп ашуға байланысты болды. Сондай-ақ, өз ісімді ашсам деген жандарға кеңестер берді.

Қ.Нұртайұлы.