Биыл «Таза Қазақстан» акциясы аясында полигоннан тыс жерге жиылған мыңнан астам үйінді мен 159 мың әкімшілік құқық бұзу дерегі анықталды. Іс-шараға 1 мыңдай полиция қызметкері жұмылдырылған.
Жалпы, экологиялық акция басталғалы 1 жыл ішінде 1800 заңсыз полигон табылды. Сондай-ақ тазалыққа немқұрайлы қарап, көшеге қоқыс шашқан 441 мың адам айыппұл төлеген.
Ішкі істер министрлігі азаматтарды қоршаған ортаны қорғауға, рұқсат етілмеген орындарға қоқыс тастамауға және тазалық пен тәртіпті сақтауға шақырады.
