Атырау облысында коронавирус жұқтырған үш науқас жансақтау бөлімінде жатыр
Үшеуі де Теңіз кенішінің жұмысшылары,- деп хабарлайды Атырау облысының жедел штабы.
Штабтың мәліметіне сәйкес, қазіргі уақытта 1964, 1982, және 1981 жылғы үш ер адам жансақтау бөлімінде жатыр. Оларға өкпені жасанды желдету аппараты қосылған.
- Жансақтау бөлімінде төрт науқас ем алған болатын. Олардың ішінде біреуінің жағдайы жақсарып, жансақтау бөлімінен жай палатаға ауыстырылды, жағдайы тұрақты, - деді жедел штаб.