Қазақстанның отбасылық дәрігерлер ассоциациясының дәрігер-кеңесшісі Әлия Егембердиева «Жалпы дәрігерлік тәжірибедегі буын аурулары диагностикасы және емдері» тақырыбында тренинг өткізді.
Тренингке аудандық орталық емханадағы 18 жалпы тәжірибелік дәрігер мен 22 медбике қатысты. Медицина қызметкерлері буын ауруларының, яғни реактивті артрит, подагра, остеоартроз, ревматоидты артрит және басқа да аурулар диагностикасының ерекшеліктерімен танысты. Сондай-ақ, әртүрлі буындардың қызметін қалпына келтіруге көмектесетін арнайы жаттығуларды орындауды үйренді. Тренингте мамандар тізе буындары ауыратын науқастарға қандай құрылғыларды ұсынуға болатынын түсіндірді. Яғни ортез, бандаждарды қалай қолдану керектігі айтылды. Енді дәрігерлер мен медбикелер буын ауруымен ауырып жүрген пациенттерге ең тиімді емдеу әдістерін ұсынатын болады.
П.ҚИЗАТОВА
