banner_damu

«DARIKZ» мобильді қосымшасын кімдер пайдалана алады?

Денсаулық сақтау вице-министрі Олжас Әбішев дәріханалар дәрі-дәрмек бағасын негізсіз өсірген жағдайда қайда шағымдануға болатынын айтты.

Вице-министр Facebook парақшасында: «Соңғы уақытта дәріханаларда дәрі-дәрмек бағасы күрт қымбаттап кетті» деген ақпараттар, фотосуреттер мен посттар өте көп тарап жатыр. Осы тұста 2019 жылы тамыз айында Денсаулық сақтау министрлігі еліміздегі барлық дәріханаларда көтерме және бөлшек сауда үшін дәрі-дәрмектің шекті бағасын белгілеу туралы бұйрыққа қол қойғанын естеріңізге саламын. Бүгінгі таңда бұйрықтың ағымдағы нұсқасында 6000-нан астам дәрінің көтерме және бөлшек сауда бағалары белгіленген», – деп жазды.

Оның айтуынша, халыққа ыңғайлы болу үшін барлық смартфонда жұмыс істейтін 3 тілді «DARIKZ» мобильді қосымшасы жасалған. Ол тегін қызмет көрсетеді.

Мобильді қосымшада еліміздің дәріханаларында шекті бағаға қатысты шағым беру бойынша функция да бар. «Осы функцияның көмегімен еліміздің кез келген азаматы дәріханаларда шекті баға бойынша бұйрықтың сақталуын тексеріп, дәрі-дәрмектің бағасы шекті көрсеткіштен жоғары болған жағдайда шағым бере алады.

Мобильді қосымша арқылы берілген барлық шағымдарды Денсаулық сақтау министрлігінің Тауарлар мен қызметтердің сапасы мен қауіпсіздігін бақылау комитеті қарайды және бұзу фактісі расталған жағдайда Денсаулық сақтау министрлігі оны реттеу үшін барлық қажетті шараларды қолданады» дейді Олжас Әбішев.

Қосымша арқылы шағымдану өте ыңғайлы:

1) Дәрі-дәрмекті шекті бағамен табу 

2) Шағым беру бастырмасына басу және қажетті ақпаратты енгізу

3) «Жіберу» батырмасын басу. Қосымшаны мына сілтемеден смартфонға жүктеп алуға болады

https://play.google.com/store/apps/details?id=kz.dari

aikyn.kz

ЕЛБАСЫ КІТАПХАНАСЫ

biblioteka-pervogo-prezidenta-kz

Сұрақ Жауап

Ауданда covid-19 жұқтырғандардың көбею себебі неде деп ойлайсыз?

logo1

Меншік иесі: «Атырау-Ақпарат» ЖШС

Газет Қазақстан Республикасының Ақпарат және коммуникациялар министрлiгiнде 2018 жылы 16 мамыр күні тiркеліп, тіркеу туралы №17099-Г куәлiгi берiлген

Редакция мекенжайы: Құлсары қаласы, Исатай Тайманов көшесі, 4 үй.

Тел: 5-16-83, 5-07-66, 30-51-06, 30-51-05.

 

Яндекс.Метрика