Атырау облысы әзірше «сары» аймақта қалып отыр
Атырау облысында өткен тәулікте 33 адамда коронавирус індеті ПТР арқылы расталып ауырғаны белгілі болды, – деп хабарлайды Атырау облыстық денсаулық сақтау басқармасының баспасөз қызметі.
Қауіпті дертке шалдыққан науқастардың 14-і Атырау қаласынан тіркелген. Сондай-ақ, Теңіз кенішінен 17 жұмысшыдан, Құрманғазы ауданында 1 және Махамбет ауданынан 1 адамнан covid-19 жұқпасы анықталған. Covid-19 инфекциясын жұқтырған науқастардың 10-ында ауру симптомды түрде өтуде. Соңғы мәліметке сәйкес, өткен тәулікте коронавирус инфекциясынан 24 адам емделіп шықты.
Қазіргі уақытта 106 адам үй жағдайында емделуде. Облыстық инфекциялық стационарда 75 науқас, ал аудандардағы инфекциялық стационарларда 17, Теңіз кенішінің инфекциялық стационарында 260 адам оқшауланып, инфекциялық стационарда ем қабылдауда.
Айта кетейік, қауіпті індет жұқтырғандар санының тәуліктік көрсеткішіне байланысты Атырау облысы «сары» аймақта тұр.
Атырау облыстық денсаулық сақтау
басқармасының баспасөз қызметі.
