Жылыой қазіргі уақытта 90 доза ресейлік "Sputnik V" көлемінде вакцина келді.
«Бүгін Жылыой ауданы бойынша алғаш болып аудан әкімі Х.Жамалов, аудан әкімінің орынбасары Ә.Шәкіров, аппарат басшысы А.Нұғман, аудандық орталық аурухана және жедел жәрдем қызметкерлері екпе алды. ⠀
Жылыой аудандық орталық емханада алғаш болып екпе алған Х.Жамалов 30 минут демалыс орнында отырып шыққан соң өзін жақсы сезінетінін жеткізді, жағдайы қалыпты, ешқандай қолайсыздық туындамағанын айтты. ⠀ Тиісті ережеге сай кезекші дәрігер алдымен пациенттің медициналық көрсеткіштерін түгел тексеріп шықты.
Ең әуелі екпе егілушінің бойында қандайда бір дәрі-дәрмекке қарсы кері әсердің бар-жоғы анықталды. Одан соң екпеден кейінгі болуы мүмкін қызару, ине сұғылған жердің аз-мұз ісінуі сынды белгілердің қалыпты екендігі айтылып, вакцинаны ерікті түрде қабылдауға жазбаша келісімін алды. ⠀
Арнайы мұздатқыштан шығарылған вакцина бөлме температурасында небары 2 сағатқа дейін сақталады. Оның бір құтысында 5 доза бар. Сондықтан көрсетілген 2 сағат ішінде 5 адам кезек-кезегімен екпені алуға дайын тұруы тиіс. Ал мұздатқыштан шығарылған вакцинаның еріуіне 5 минутқа жуық уақыт кетті. ⠀
Жылыой ауданы бойынша егу пункттерінің дайындығы тексеріліп, профилактикалық егу жүргізу мәселелері бойынша стандартты операциялық рәсімдер бекітілді, 8 медицина қызметкері оқытылды», - деді Жылыой аудандық орталық аурухана директоры Н.Үкібаев. ⠀
Жылыой қазіргі уақытта 90 доза ресейлік "Sputnik V" көлемінде вакцина келді. Екпелер медициналық ұйымның мұздатқыштарында сақтаулы тұр. Айта кетейік, вакцинация ғана коронавирустың одан әрі таралуына жол бермейді және қатаң локдаунның жалғыз баламасы.
Ш. Хамитова
