Соңғы аптада Атырауда 40 градусқа дейін ыстық тіркелген болатын. «Казгидромет» РМК 10 шілдеге арналған ауа райы болжамында Атырауда 11 шілдеден бастап ыстық бәсеңдеуі күтілуде, деп хабарлайды Атырау облысының Өңірлік коммуникациялар қызметі хабарлайды.
Ыстық ауа райына байланысты Атырау облыстық Денсаулық сақтау басқармасы басшысының орынбасары Алмагүл Абилова тұрғындарға аптап ыстық кезінде көшеге шықпауға, бөлме температурасында жеткілікті мөлшерде су ішу, гипертонияға қарсы препараттарды уақытында, дәрігердің нұсқауы бойынша қатаң түрде қабылдау, спортпен шұғылдану және диетаны сақтау қажеттігін ескертті.
- Өңір тұрғындарына салқын сусындарды тұтынуға және үй-жайларда салқындату жүйелерін қатты режимде қосуға байланысты жоғарғы тыныс жолдарының ауруларының өршуіне, сондай-ақ егде жастағы адамдарда қан қысымының инсульт, инфаркт асқынуы, дағдарыс ағымына дейін көтерілуіне әкелуі мүмкін екенін ескертемін. Сондықтан күндіз 12:00-ден 16:00-ге дейін көшеге шықпауға тырысыңыз. (егер мүмкін болмаса, демалуға көлеңке орын іздеңіз), ашық түсті киімдерді киіңіз, Көбірек су ішіңіз. Бірақ газдалған сусыннан ешқандай пайда болмайды. Су, жеміс-жидек сусындары, жасыл шай адам ағзасына өте жақсы әсер етеді, деді Алмагүл Абилова.
