ken-zhyloi.kz

Өңірде халықтың covid-19-ға қарсы жаппай вакцинасы өтіп жатыр, деп хабарлайды Атырау облысы Денсаулық сақтау басқармасының баспасөз қызметі.

4 сәуірдегі мәлімет бойынша, «Спутник V» вакцинасының I компонентін 140 адам алды. Оның ішінде, 13 медицина қызметкері, 14 педагог, 2 студент, 1 құқық қорғау органдарының қызметкері, 110 жергілікті тұрғын бар.

Биылғы жылғы 1 ақпан мен 4 сәуір аралығында «Спутник V» I компонентімен 4103 адам вакциналанды. II компонентпен 1821 адам екпе қабылдады.

Естеріңізге сала кетейік, 3 сәуірде Атырау облысында халықты жаппай вакциналау басталды. Атырау облысының әрбір тұрғыны коронавирус инфекциясынан өз еркімен екпе ала алады. Ол үшін тіркелген жері бойынша емханаға өтінішпен баруы қажет.

Атырау облысы Денсаулық сақтау

басқармасының баспасөз қызметі.