Өңірде коронавирустық инфекциямен сырқаттанушылықтың төмендеуі байқалады, деп хабарлайды Атырау облысы Денсаулық сақтау басқармасының баспасөз қызметі.
Соңғы тәулікте өңірде коронавирустық инфекциямен 4 науқас анықталды. Атап айтқанда, 3 науқас - Теңіз кен орнында анықталған, 1 науқас - Құрманғазы ауданында анықталды.
Коронавирустық инфекциясы бар 1 науқаста ауру тиісті белгілермен өтуде, 3 адамда ауру белгілері жоқ.
Өткен тәулікте облыста коронавирустан 202 адам емделді.
Қазір 1283 адам үй жағдайында, екінші облыстық ауруханада - 9, модульдік ауруханада - 81, фтизиопульманологиялық орталықта - 9 адам, аудандық инфекциялық стационарларда - 19. Теңіз кен орнындағы инфекциялық стационарда науқас жоқ.
Айта кетейік, инфекцияның таралу қарқыны бойынша Атырау облысы "жасыл" аймақта.
