«Саламатты Қазақстан» мамандандырылған медициналық пойызы 25-мамыр күні Атырау облысына келеді.
«Саламатты Қазақстан» медициналық пойызы – елімізде сәтті жүзеге асып келе жатқан жоба. Әлеуметтік жоба ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның, ҚР Денсаулық сақтау министрлігінің және «Samruk-Kazyna Trust» әлеуметтік жобаларды дамыту қорының «Самұрық-Қазына» АҚ компаниялар тобының әріптестігі негізінде іске асырылады.
25-мамыр -17 маусым аралығында Атырау облысының бірнеше елді-мекенін аралап, білікті дәрігерлер тұрғындарға медициналық көмек көрсетеді. Дәрігерлік бригаданың құрамында терапевт, хирург, педиатр, психолог, невропатолог, ультрадыбыстық диагностика маманы, жалпы практика дәрігері, рентгенолог, кардиолог, стоматолог, офтальмолог, отоларинголог, онколог-маммолог, гинеколог және уролог медициналық көмек көрсетеді. Пойыз заманауи диагностикалық құралдармен, соңғы үлгідегі құрал-жабдықтармен қамтамасыз етілген.
🖊Медициналық пойыздың тұрғындарды қабылдау кестесі:
🔹Құлсары станциясы: 25-28 мамыр
🔹Дина Нұрпейісова станциясы: 29- 30 мамыр
🔹Ганюшкино станциясы: 31 мамыр-2 маусым
🔹Афанасьево станциясы: 3 маусым 🔹Исатай станциясы: 4-5 маусым 🔹Нарын станциясы: 6 маусым 🔹Аққыстау станциясы: 7-8 маусым 🔹Туманное станциясы: 9 маусым 🔹Жамансор станциясы: 10-11 маусым
🔹Мұқыр станциясы: 12-13 маусым 🔹Сағыз станциясы : 14-16 маусым Медициналық пойыз дәрігерлері өңір тұрғындарын таңғы сағат 09.00-ден кешкі 18:00-ге дейін қабылдайды. Түскі ас уақыты 13.00-14.00.
Айта кетейік, дәрігердің қабылдауына баратын түрғындар міндетті түрде өзінің және баласының (баласын қаратса) жеке басын куәландыратын құжаттарын ала баруы керек. Медициналық құжаттары болса, қосымша ала келулері қажет.