Атырау облыстық ауруханасы тамыз айының ортасында күрделі оталар жасауды бастайды

Атырау облыстық ауруханасы инфекциялық орындар санын азайтып, жоспарлы емдеу шараларына дайындалып жатыр. Қазіргі уақытта ауруханада таза аймақ жасақталуда, - деп хабарлайды Атырау облысы денсаулық сақтау басқармасының баспасөз-қызметі.

⠀ «Ендігі кезекте хирургиялық, неврологиялық, оңалтуды қажет ететін бейінді науқастарды емдеп бастаймыз. Тамыз айының ортасында күрделі оталарды аурухана шеңберінде жасауды жоспарлаудамыз» дейді Атырау облыстық ауруханасының бас дәрігері Ербол Иманғалиев.

⠀ Айта кету керек, Атырау облыстық ауруханасы шілде айының басынан бері 400 кереуеттік инфекциялық стационар ретінде жұмыс жасады. Қазіргі таңда мұнда науқастардың саны азайды. ⠀

«Бұрын қабылдау бөлімшесіне тәулігіне инфекциялық аурумен 60-қа жуық науқас түсетін. Қазір тәулігіне 15-ке дейін науқас қабылдаудамыз. Бүгінгі күні инфекциялық стационарда ем қабылдап жатқан 137 науқас бар. Енді тамыз айынан бастап 200 кереуетке жоспарлы түрде емделетін науқастарды қабылдауға дайындалудамыз»- деді Атырау облыстық ауруханасының бас дәрігері Ербол Иманғалиев.

⠀ Еске сала кетелік, Атырау облыстық ауруханасының инсульттік, зақым-жарақат бөлімшелері пандемия уақытында да жұмысын тоқтатпай, науқастарды үзіліссіз қабылдап отыр.

Атырау облысы денсаулық сақтау

басқармасының баспасөз-қызметі.

podpiska_kaz

COVID 19

covid

Тәуелсіздікке 30 жыл

tuelszdkke-30-zhyl

logo1

Меншік иесі: «Атырау-Ақпарат» ЖШС

Газет Қазақстан Республикасының Ақпарат және коммуникациялар министрлiгiнде 2018 жылы 16 мамыр күні тiркеліп, тіркеу туралы №17099-Г куәлiгi берiлген

Редакция мекенжайы: Құлсары қаласы, Исатай Тайманов көшесі, 4 үй.

Тел: 5-16-83, 5-07-66, 30-51-06, 30-51-05.

 

Яндекс.Метрика