АТЫРАУДА ӨТКЕН ТӘУЛІКТЕ 113 АДАМНАН КОРОНАВИРУС АНЫҚТАЛДЫ
Атырау қаласы қауіпті инфекцияның таралу ошағы болып отыр, деп хабарлайды Атырау облысы Денсаулық сақтау басқармасының баспасөз қызметі.
Соңғы тәулікте Атырау қаласында Covid-19 жұқтырудың 86 жағдайы тіркелді. Ал, скрининг нәтижесінде қауіпті індет Теңіз кен орнынан 8 адамнан расталған. Аудандарға келетін болсақ, Жылыой ауданының 6, Индер ауданының 2, Мақат ауданының 1 тұрғынында Covid-19 анықталды, Құрманғазы және Махамбет аудандарында аурудың тағы 5 жағдайы тіркелді.
Коронавирус инфекциясы бар 59 науқаста ауру тиісті белгілермен өтуде. Өткен тәулікте облыста коронавирустан 79 адам сауығып шықты.
Қазіргі уақытта үй жағдайында 835 адам, модульдік ауруханада - 175 , облыстық аурухананың инфекциялық стационарында - 81, аудандық инфекциялық стационарларда - 119 адам ем алуда. Теңіз кен орнындағы инфекциялық стационарда 124 науқас емделуде.
Атырау облысы Денсаулық сақтау
басқармасының баспасөз қызметі.
