Жылыой ауданында аудан әкімдігінің қолдауымен, Жастар ресурстық орталығының және Жас техниктер станциясының ұйымдастыруымен 12 сәуір - Ғарышкерлер күніне орай мектеп оқушылары арасында микроконтроллерді бағдарламалау олимпиадасы өткізілді.
3 турдан тұратын олимпиадаға 8 оқушы қатысты. Олимпиада қорытындысына сәйкес: Құрбала Айнұр - №15 мектептің 9 сынып оқушысы; Жексенбай Мухаммедали - №18 мектептің 9 сынып оқушысы; Ерлан Жұлдыз - №19 мектептің 10 сынып оқушысы.
Жеңімпаздарға алғыс хат пен сыйлық табысталды. Ғылыми сайыстың мақсаты аудан жастарын білімге, ғылымға ұмтылдыру, IT және техниканың білгір маманы болуға жол ашу. Олимпиада соңында жас техниктер станциясының оқушылары жасаған спорттық зымырандар ұшырылды.
