Бұл туралы Атырау облысы білім беру басқармасының Жылыой ауданы білім бөлімі басшысы Айбарша Қақпанбаева айтты.
Жазғы кезеңде ауданның барлық мектептерінде тамақтандыратын лагерьлерге 647 бала, ал тамақтандырусыз лагерьлерде 7572 баланың демалыстары ұйымдастырылды.
Сонымен қатар аудан мектептерінің аумағын көгалдандырып, тазалық жұмыстарын жүргізу мақсатында 8-10 сынып оқушыларынан 5545 бала қамтылды.
Қала сыртындағы лагерге 100 бала, шипажай үлгісіндегі лагерге 200 бала қамтылды.
«Балдәурен-Көкшетау» оқу-сауықтыру орталығында -16, «Балдәурен – Қапшағай» оқу-сауықтыру лагерінде -10 және Железноводск қаласында 121 бала демалып келді.
Аудан бойынша құқық бұзушылық пен ішкі істер бөлімінде есепте тұрған 6 бала қала сыртындағы және мектеп жанындағы лагерьмен қамтылды.
Фото ашық дерекөздерден алынды
