Қазақта «Адам болатын бала алысқа қарайды» деген тәмсіл бар. Бала мықты болып өсуі үшін дұрыс тәрбие мен білім қажет. Ел Президенті биылғы жылды «Балалар жылы» деп жариялап, түрлі мерекелік шаралар мен жиындар өткізу емес, балаларды қорғау мақсатында денсаулығы мен білім сапасын арттыру, әлеуметтік қамсыздандыру басты міндет екенін айтқан еді.
Өйткені, балалар – ел болашағы, мемлекеттің сенім артар үміті. Олардың лайықты білім алуына жан-жақты жағдайлар жасалуы керек. Балалардың бойына мейіріммен, қамқорлық, ыстық алақан жылуы даруы тиіс. Әсіресе, оқушылардың әлеуметтік жағдайы олардың мектепте толыққанды білім алуына кедергі болмауы қажет. «AMANAT» партиясының басты міндетінің бірі де осы – жас ұрпаққа көмектесу, мұқтаж жандарға, әр азаматқа қолайлы өмір сыйлау болып саналады.
Жыл сайын жаңа оқу жылы басталар алдында «Мектепке жол» акциясы жүзеге асады. Акция шеңберінде аз қамтылған және көпбалалы отбасылардың оқушыларына көмек көрсетіледі, балалар оқуға қажетті құрал-жабдықтармен, мектеп формасымен қамтамасыз етіледі. Су жаңа мектеп формасын киген оқушылар, жандары жадырап, оқуға деген асқан құштарлықпен мектеп табалдырығын аттайтын болады. Жыл сайын бұл игілікті іске бағытталған қайырымдылық акциясына атсалысушылар қатары артып келеді. Біздің ауданда да балаларға барын аямайтын, жаны жомарт азаматтар жетіп артылады. Сол азаматтардың мейірім, шапағатының арқасында - біз бұл жолғы акцияны да сәтті аяқтауға мүмкіндік алдық. Нәтижесінде, «Баланы мектепке даярлайық!» қайырымдылық акциясы көңіл қуантарлық жақсылықпен аяқталды.
Акция аясында барлық өңірдегі партия мүшелері балаларды жаңа оқу жылына дайындауға атсалысты. Еліміздегі «аманаттықтар» 23 мыңнан астам отбасындағы 42 мың оқушыны мектеп формасымен, оқулықтармен, рюкзактармен және кеңсе тауарларымен республика деңгейінде қамтамасыз етті. Ал Жылыой ауданы бойынша «AMANAT» партия филиалының ұйымдастыруымен 400 оқушы (10 000 000 теңге қаражатқа) тегін оқу құрал-жабдықтарымен қамтамасыз етілді. Акция 31-ші тамызға дейін созылды. Акцияға белсене атсалысқан азаматтар ауданымызда аз емес. Олардың есімдерін мақтанышпен атауға болады.
«AMANAT» партиясынан сайланған мәслихат депутаттары: C.С.ТАЛАСОВ, Е.С.ДӘУЛЕТБАЕВ, С.Т.МАМБЕТОВА, А.С.МҰҚАНОВ, Б.К.САДАҚБАЕВ,С.Қ.БАЛЖІГІТОВ,А.С.ХАЛЕЛОВА, М.Ж.ЕСЕНИЯЗОВА, Т.Қ.МАЙЛЫБАЕВ, Г.Қ.ОРЫНГАЛИЕВТЕР балаларды тегін оқу құралдарымен қамтамасыз етуге демеушілік жасады.
Қайырымды жандар қатарында БПҰ төрағалары мен мүшелері: Н.А.Үкібаев, Ғ.Т.Шанаев, Э.Өмірова, Қ.Мыңбаев, Е.Қ.Елеусінов, Д.Айтпенбет, С.К.Баймұратов С.Баселов, М.Қабиденов, Е.Е.Атшыбаев, А.Тайранова, Г.Қ.Таңатарова есімдерін айрықша атаймыз.
Аудандық Жастар ресурстық орталығы басшысы Ақылбек Едігеев, Кәсіпкерлер палатасы мен бөлімдері –Ерлан Нұрланов, ASKAR Бизнес орталығың директоры Шәкіров Асқар, «Агропром» ЖШС басшысы Садақбаев Мақсат сынды азаматтар да көмегін аямады. Міне, осы қайырымдылық акциясына атсалысқандарға «AMANAT» партияcы Жылыой аудандық филиалының атынан алғысымызды білдіреміз!
Бұл - Мемлекет басшысының әлеуметтік қиын жағдайға тап болған балалар мен отбасыларды қолдау жөніндегі бағыт-бағдарын жүзеге асыруға «AMANAT» партиясының қосқан үлесі.
«Баланы мектепке даярлайық!» акциясы бұл бір рет қана өткізілетін іс-шара емес. Қазақстандықтардың әл-ауқатын арттыруға бағытталған партияның ауқымды жүйелі жұмысының бір бөлігі.
«Бақытты отбасы» партиялық жобасы аясында 2022 жылдың бірінші жартыжылдығында 205 өтініш түсіп, 120 оң шешім тауып, 60 пайыз көрсеткіш көрсетуде. Қалған өтініштерге заң аясында кеңестер беріліп, түсінік жұмыстары жүргізілді.
Оған қоса, «AMANAT» партиясы өзінің сайлауалды бағдарламасын жүзеге асыру аясында балалардың білім алуына лайықты жағдай жасау бағытында ауқымды жұмыстар атқаруда. 2022 жылдың соңына дейін 300 орындық 1 жаңа мектеп пайдалануға беріледі. Жалпы жол картадағы бес жылдықта 4 жаңа мектеп жоспарланған.
Сонымен қатар, үш ауысымды мектептер жоқ және қосымша жалғама салынатын мектептердің мәселелері барлық деңгейде партияның бақылауында тұр. Жылыой ауданы бойынша жыл сайын 20 мектептің білім беру жағдайын жақсарту жоспарлануда.
Шынаргүл ЖАНАЙҚЫЗЫ,
ауданық «AMANAT» партиясы филиалының атқарушы хатшысы
