Аналар күні – әлемнің көптеген елдерінде анаға құрмет көрсетіп, оның мейірімі мен қамқорлығы үшін алғыс айту мақсатында атап өтілетін маңызды мереке. Мереке мамыр айының екінші жексенбісінде әлемнің 20-дан астам елінде тойланады. Олардың қатарында АҚШ, Канада, Германия, Италия, Бельгия, Дания, Финляндия, Эстония, Түркия, Жапония, Бразилия және Аустралия бар. Ал бұлардан бөлек елдер бұл мерекені басқа күні атап өтеді.
2024 жылы бұл мереке Қазақстанда 12 мамырда алғаш рет атап өтілуде. Аналарды қорғау – мемлекеттегі әлеуметтік саясаттың басым міндеттерінің бірі. «Шын мәнінде, әрбір адам үшін анадан ұлы, анадан қымбат ешкім жоқ. Ең қастерлі құндылықтарымыз «Жер-ана», «Отан-ана» ұғымдарымен тығыз байланысты. «Ата ұлды, ана ұлтты тәрбиелейді» дейді. Бұл сөздің айрықша мән-маңызы бар», – деді Мемлекет басшысы Қасым-Жомарт Тоқаев.
“Аналар күні” мерекесіне орай ауданымыздағы #13 мектепте “Жан-шуағым өзіңсің, Анажаным” тақырыбында семинар өтті. Мақсаты - ата-ананың өзін-өзі дамытуға деген ұмтылысының шарты ретінде балаға үлгі болуға дайындығын қалыптастыру. Семинарды Тойлы Шарухиева мен Жұмабике Иқсанғалиева ұйымдастырып, аналарға түрлі ойындар ойнатып, мерекелік көңіл күй сыйлады.
Жансая Әбдікәрімова
