Балабақшадағы тәрбие – барлық тәрбиенің бастауы. Ал тәрбиеші балаға бағыт-бағдар, тәлім-тәрбие беретін екінші анасы. Тәрбиешілер – ел ертеңіне әрқашан қамқор болып ешқашан шаршамайтын жандардың бірі.
Қаладағы осындай «Әсем» бөбекжай-бақшасының «Балдырған» тобының тәрбиешісі Бибігүл Ділмағанбетқызына алғысымыз шексіз. Ол балаларымызды балабақшаішілік шараларға, сайыстарға қатыстырып, ертегілер кейіпкерін ойнауға үйретті. Наурыз мерекесінде екі жыл қатарынан айтысқа қатыстырды. Бүлдіршіндер мәнерлеп өлең оқуда алдына жан салмайтын болды. Олар 12 жолдан да ұзақ өлең оқып, жүлделі 1-орындарды иеленіп жүр. Айталық, балаларымыз аудандық «Айгөлек» өнерлі балалар байқауына қатысып, әрдайым жүлдемен оралады.
Балаларымыздың осындай жетістікке жетуі Бибігүл тәрбиешінің жетістікке толы жұмысы мен өлшеусіз еңбегінің жемісі деп білеміз. Болашақта бүлдіршіндеріміз тәрбиешісінің берген тәлімі мен бағыт-бағдарын бойына сіңіріп, мектеп табалдырығын да жақсы шәкірт болып аттайды деп сенеміз.
Ерасыл ЖЕКСЕМБАЙ, Исламбек ОҢДАҒАН,
Аяна АҚЫЛБЕКҚЫЗЫ, Мүслима ЖАЗЫЛБЕКҚЫЗЫ,
«Әсем» бөбекжай-бақшасының «Балдырған» тобының ата-аналары
