Оған әр мектептен оқушылар қатысып, жүлделі орындарға ие болды.

Аудандық білім бөлімінің ұйымдастыруымен №1 жалпы орта білім беретін мектепте Жеңістің 75 жылдығына арналған мектеп оқушыларының әскери-патриоттық клубтарының аудандық сайысы өтті. Оған әр мектептен оқушылар қатысып, жүлделі орындарға ие болды. «Менің әскери роботым» номинациясы бойынша I орынды Жас техниктер станциясының тәрбиеленушілері Жанатбек Орынбасаров пен Ернұр Нұрбол иеленді. «Әскери мақсаттағы макеттер» номинациясы бойынша I орынды №17 мектеп оқушысы Латиф Амантурлиев, II орынды №9 мектеп оқушылары Төлеухан Жасұлан, Хасанов Ерсұлтан, III орынды №2 мектептің Гүлжайна Атшығали және №4 орта мектептің оқушысы Азамат Аманғалиев иеленді.

«Біздің әскери-патриоттық клуб» бейнероликтер сайысынан I орынды №9 мектептің «Намыс» патриоттық клубы және «Жас сарбаз» кадет сыныбының мүшелері иеленді. II, III орындармен №1, №3, №17, №21 мектептердің патриоттық клуб мүшелерінің жұмыстары үздік деп танылып, марапатталды. Аудандық байқаудың қорытындысында білім бөлімінің әдіскері Ж.Атырауов орын алған оқушыларды дипломдармен марапаттады. Байқау жеңімпаздары облысқа жолдама алды.

Ж.Шаңқанова