Ақкиізтоғай ауылындағы №10 Амангелді атындағы жалпы орта білім беретін мектепте қызықты шара өтті. Оқу ордасындағы 9-11 сыныптың белсенді оқушыларының қатысуымен «Дублер күні» ұйымдастырылды. Онда шәкірттер ұстаздардың орнына мұғалім болып, педагог қызметімен бір сәт айналысуға мүмкіндік алды.
Алдымен мектеп директорының орнына дублер болып 11-сынып оқушысы Әлия Әмірғалиқызы, директордың оқу ісі жөніндегі орынбасарлығына Мәдина Бегалы, директордың тәрбие ісі жөніндегі орынбасары ретінде Толғанай Жаумаден тағайындалды. Сол секілді әр пән мұғалімдерінің орнын да дублер оқушылар басып, пән мұғалімдерімен ақылдаса отырып, сыныпта сабақ өткізді.
"Дублер күнінің» мақсаты мектептегі өзін-өзі басқару жұмысын жандандырып, тұлғаның көшбасшылық қасиетін ашу және білім алушылардың ұйымдастырушылық қабілетін іске асыру болды.
П.ТӘЖІ
