№10 Амангелді атындағы жалпы орта білім беретін мектепте қазақтың ақиық ақыны – Мұқағали Мақатаевтың мектепішілік оқулары өтті. Мектепішілік байқауға 7-11 сынып оқушылары қатысып, өз бақтарын сынады. Оларға баға берген қазақ тілі және әдебиеті пәнінің мұғалімдері.
Байқаудың негізгі мақсаты – ақынның өмірі мен шығармашылығын насихаттап, оқушылардың шығармашылық қабілеттерін, эстетикалық талғамдарын, тума талант, табиғи дарындарын анықтап, оқушылардың поэзияға деген құштарлығын арттырып, өлең сөзінің құдіреті мен қуатын жанымен сезініп, жүрегімен түсіне білуге, ой-пікірлерін ғылыми тұрғыда дәйекті жеткізе алуға баулу.
Жыл сайын дәстүрлі түрде республика көлемінде өтетін бұл байқау келесі номинациялар бойынша өткізілді:
1.«Айтып өткен ақында арман бар ма?» ақын өлеңдерін мәнерлеп жатқа оқу.
2.«Жыр эстафетасы» ақын поэмаларын жатқа оқу.
3.«Көкірегімде жыр сәулесі маздайды....» жас ақындар бәйгесі.
Барлық қатысушылар белсене араласып, жеңіске деген жігерлерін көрсете білді. Әр бөлім бойынша да әділқазылар алқасына жеңімпазды таңдау қиынға түсіп, тартысқа толы болды. Қазылардың шешімімен «Айтып өткен ақында арман бар ма?» номинациясы бойынша 8 “А”сынып оқушысы Мерейлім Мүбарак І орынды иеленсе, «Көкірегімде жыр сәулесі маздайды....» номинациясы бойынша 9 “А” сынып оқушысы Шапағат Жақсығалиқызы І орынды жеңіп алды. Аталған жеңімпаздар алдағы уақытта мектеп намысын аудандық сайыста қорғамақ.
Ерназ Алтайұлы
