Тұрғызба ауылындағы №4 Әуезов атындағы мектеп кітапханасында 3-4 сынып оқушыларының қатысуымен «Күзгі демалыста кітап оқимыз» атты кітап оқу марафоны өтті.
Кітап оқуға 4"ә"сынып жетекшісі М. Айтқұлова мен оқушылардың ата-аналары қатысып, шәкірттердің балалар әдебиетіне деген көзқарасын танып білді. Сайын Мұратбековтің «Жусан иісі» шығармасының мазмұнын айтып, сюжетін талқылаған ата-аналар қауымы да кітаптың тәрбиелік мәніне тоқталды. Шара соңында барлық қатысушыларға белсенділік көрсеткендері үшін мақтау қағаздары мен сыйлықтар ұсынылып, мектеп оқушылары көңілді тарқасты. Д.ІЗБАСАРҚЫЗЫ
