Атырау қаласында "Таланттарды анықтау және қолдау орталығының" ұйымдастыруымен 2022-2023 оқу жылының қорытынды марапаты мен жаңа оқу жылының Тамыз конференциясы болып өткен еді. Онда аудандық білім беру бөлімі үздіктер қатарынан көрінді. Бұл жөнінде білім бөлімінің басшысы Айбарша Қақпанбаева хабарлады.
Соның ішінде, облыстық білім беру ұйымдарының рейтингі бойынша аудандық білім бөлімі «Жылдың ең үздік олимпиадалық командасы» номинациясын жеңіп алып, жүлделі II орынды қанжығасына байлады.
-Бұл - біз үшін үлкен мақтаныш, зор мерей. Бірлескен іс-әрекет, тиімді оқыту үдерісі, ұстаз шығармашылығы, ата-ана қолдауы белсенді түрде жүзеге асқан жағдайда ғана осындай жетістіктерге жетеміз,-дейді аудандық білім бөлімінің басшысы Айбарша Қақпанбаева.
П.ҚИЗАТОВА
